मंत्री गुलाबराव पाटील यांचा कुणाल कामराला इशारा

मंत्री गुलाबराव पाटील यांनी कुणाल कामरावर टीका करत त्याने एकनाथ शिंदे यांची माफी मागावी अशी मागणी केली आहे. तसंच जर त्याने माफी मागितली नाही, तर आम्ही आमच्या स्टाईलने त्याला सांगू असा धमकीवजा इशाराच त्याला दिला आहे.
Solapur News : ‘कुणाल कामराने सत्य मांडलं, गद्दारांना गद्दार म्हणणारच…’, ठाकरे गटाच्या महिला कार्यकर्त्यांकडून कॉमेडियनचं समर्थन
शिंदे गटाच्या नेते, मंत्र्यांकडून कुणाल कामरावर टीका होत असताना, दुसरीकडे आदित्य ठाकरे यांनी कुणाल कामराचं समर्थन केलं आहे. आदित्य ठाकरेंनी केलेल्या वक्तव्यावरही गुलाबराव पाटील प्रतिक्रिया देत सांगितलं, की आदित्य ठाकरे तर वकील आहेत, त्यांची त्याची वकिली केली असेल, असं म्हणत त्यांनी आदित्य ठाकरेंवरही टोला लगावला.
Nandurbar News : नव्या विहिरीचं खोदकाम जीवावर बेतलं, ट्रॅक्टर विहिरीत कोसळून भयंकर घडलं; सारं गाव हळहळलं
पुढे एकनाथ शिंदेंवर कामराने केलेल्या विधानावर बोलताना ते म्हणाले, तुम्ही दाढीवाला, रिक्षावाला आणि चश्मावाला असं काही बोलाल तर ते आम्ही सहन करणार नाही. हा अपमान आम्ही सहन करणार नाही. तो माफी मागत नाही, पण बाहेर तर पडेल ना, कुठे लपणार? याप्रकरणी मुख्यमंत्र्यांनी आपली प्रतिक्रिया दिली आहे. आता शिवसेना आपलं रुप दाखवेल, अशा शब्दांत त्यांनी कामराला इशारा दिला आहे.

दरम्यान, कुणाल कामराचं शिंदेंवरील विधान व्हायरल झाल्यानंतर त्याला जवळपास ५०० कॉल असल्याचं तो म्हणाला. या कॉलमध्ये हत्या करणं, तुकडे करण्याबाबत धमक्या देण्यात आल्या आहेत. हे सर्व कॉल शिवसेनेच्या लोकांनीच केले होते. पण भाजप समर्थकांनी कोणताही फोन केला नाही. यावरुनच कळतं, की एकनाथ शिंदेंना भाजपसंबंधीत लोकही पसंत करत नाहीत, जे आता त्यांच्यासोबत सत्तेत आहेत, असं विधान करत कामराने शिंदे गटातील शिवसैनिकांवर कटाक्ष टाकला.