“दिशा सालियनला न्याय मिळालाच पाहिजे, असं माझंही म्हणणं आहे. पण तुमच्याकडे पुरावे आहेत तर ते नक्की घेऊन या. आदित्य ठाकरे यांनी नेहमी सांगितलं आहे की, तुम्ही असे कचऱ्यासारखे कितीही आरोप करा. त्यांना मी भाव देत नाही. तुमच्याकडे पुरावे आहेत तर ते आणा आणि सिद्ध करा. पण एकदाचा सिलसिला काय आहे तो मिटवा”, असं किशोरी पेडणेकर म्हणाल्या.

‘दिशा सालियन ही हकनाक गेली, तिला न्याय मिळावा’

“टीव्ही माध्यमातून मी आता दिशाच्या वडिलांना पाहिलं. त्यांच्या बाजूला कोण महाशय बसले होते, ते कदाचित वकील असतील. ते त्यांना दाबत होते. पण त्यांनी उत्सफुर्ततेने सांगितलं की, आमच्यावर कुणाचा दबाव नाही. आमच्याकडे कोणता पुरावा नाही. आता आम्हाला कळत आहे. दिशा सालियन ही हकनाक गेली आहे. तिला न्याय मिळालाच पाहिजे. जो आरोपी आहे त्याला फासापर्यंत न्या. पण कारण नसताना बदनामी करु नका. बदनामी म्हणून आदित्य ठाकरे घाबरत नाहीत”, अशी प्रतिक्रिया किशोरी पेडणेकर यांनी दिली.
Rohit Pawar : फडणवीसांचा आरोपांचा बॉम्ब, रोहित पवार यांचं स्पष्टीकरण, सभागृहात जोरदार घमासान
“विरोधी आमदारांची संख्याबळ कमी असली तरी आम्ही विरोध करायचा नाही का? मोघलाई आहे का? विरोध तर होणार. ज्या गोष्टी पटत नाहीत ते म्हणायचं नाही का? आदित्य ठाकरे मुख्यमंत्र्यांच्या चांगल्या कामांचं कौतुकही करतात”, असं किशोरी पेडणेकर म्हणाल्या.
Maharashtra Politics : मुंडेंचा राजीनामा ते ठाकरेंचा सुपुत्र गोत्यात, 23 दिवसांच्या अधिवेशनात आतापर्यंत काय-काय घडलं?
“कुठली गोष्ट गैरवापर आहे ते तुम्हाला पुराव्यासह दाखवावं लागेल. त्यांचा महाराष्ट्र पोलिसांवर विश्वास नाही. त्यांचा मुंबई पोलिसांवर विश्वास नाही. आपलं कोण संरक्षण करतंय? त्यांवर अविश्वास दाखवत आहेत. आपण लेटेस्ट न्यूज पाहिली की रिया चक्रवर्तीला दिलासा मिळाला. ही लिंक तशीच काहीतरी वेगवेगळी आहे. त्यामुळे आमचं म्हणणं आहे, येऊद्या कोर्टात. तुम्ही पुरावे द्या. जो दोषी आहे त्याचं बघू”, असंही किशोरी पेडणेकर यावेळी म्हणाल्या.