या सत्कार समारंभामध्ये माजी खासदार सुजय विखे यांचा देखील सत्कार करण्यात आला. यानंतर आपल्या भाषणामध्ये बोलताना सुजय विखे यांनी आपलं राजकीय पुनर्वसन करावे, अशी विनंती महायुतीच्या आमदारांना केली. यावर कार्यक्रमात मोठा हशा पिकला. सुजय विखे यांच्या विनंतीला प्रतिसाद देत सर्व आमदारांनी जिल्ह्यातील महायुतीच्या यशामध्ये विखेंचा सहभाग मोठा असल्याने तुमचं पुनर्वसन निश्चित होईल, असं आश्वासन दिलं.
Raj Thackeray यांनी बाह्या सरसावल्या, मनसेच्या इतिहासातील सर्वात मोठे बदल

सुजय विखे पाटील काय म्हणाले?

“आता व्यासपीठावरील सगळ्यांना पाहिल्यानंतर आता एकच जण माजी राहिला आहे. तो म्हणजे मी. एक काळ होता जेव्हा मी आजी होता आणि दुर्दैवाने अनेक जण माजी होते. तुम्हाला तरी गप्पा मारायला चार-पाच लोकं होतं. मी एकटा माजी कोणाकडे जायचं? हा माझ्यापुढे प्रश्न आहे. माझी विनंती आहे की, सर्वांनी मिळून माझ्या पुनर्वसनाचा विचार करा. नाहीतर मी फक्त भाषणापुरता आहे. एवढं मोठं शिष्टमंडळ आहे. राम शिंदेंनी पुढाकार घ्यावा. सगळ्या आमदारांनी हातभार लावला तर माझ्या पदरात काहीतरी पडेल. कारण आम्हाला अजून तीन-चार वर्षे अवकाश आहे. चार वर्षात लोकं विसरुन जायला बसलेत. त्यामुळे विचार व्हावा”, असं सुजय विखे पाटील म्हणाले.
E-Shivneri Bus Driver Video : धक्कादायक ! मुंबईहून पुण्याला जात असणाऱ्या ई-शिवनेरीत बस चालकाचा अजब प्रकार
दरम्यान, सुजय विखे पाटील यांनी लोकसभा निवडणुकीत नगर दक्षिण मतदारसंघातून उमेदवारी लढवली होती. सुजय विखे त्यावेळी या मतदारसंघाचे तत्कालीन खासदार होते. या निवडणुकीत राष्ट्रवादी काँग्रेस शरदचंद्र पवार पक्षाचे उमेदवार निलेश लंके यांनी टफ फाईट देत विजय खेचून आणला होता. सुजय विखेंना हा पराभव जिव्हारी लागला होता. या पराभवानंतर त्यांचं अद्याप राजकीय पुनर्वसन झालेलं नाही.