Prashant Koratkar: छत्रपती शिवाजी महाराजांबद्दल आक्षेपार्ह विधान करणारा प्रशांत कोरटकर अद्याप पोलिसांना सापडलेला नाही. तो दुबईला पळून गेल्याची माहिती सकाळच्या सुमारास समोर आली होती. पण आता या प्रकरणात नवी माहिती समोर आली आहे.
कोरटकरचा दुबईतील एक फोटो सकाळी समोर आला. त्यामुळे तो दुबईत असल्याची चर्चा रंगली. कोरटकरचे अनेक वरिष्ठ पोलीस अधिकाऱ्यांशी उत्तम संबंध आहेत. त्यांच्या सोबतचे फोटो तो सातत्यानं त्यांच्या सोशल मीडिया अकाऊंटवरुन शेअर करत असतो. याच पोलिसांच्या मदतीनं तो देशाबाहेर पळून गेल्याचा संशय व्यक्त केला जात होता. पण आता त्याच्या पत्नीनं त्याचा पासपोर्ट कोल्हापूर पोलिसांकडे जमा केला आहे.
कोरटकरचा दुबईतील फोटो समोर येताच इतिहासकार इंद्रजीत सावंत आणि त्याच्या वकिलांनी माध्यमांशी संवाद साधला. कोरटकर पळून गेला नसेल तर त्याचा पासपोर्ट पोलिसांनी जमा करुन घ्यावा, अशी भूमिका सावंत यांच्या वकिलांनी मांडली. सावंत यांना कोरटकरनं फोनवरुन धमकावलं होतं. जीवे मारण्याची धमकी दिली होती. त्या प्रकरणी सावंत यांनी पोलिसात तक्रार दिली. अटकपूर्व जामिनासाठी कोरटकरचे प्रयत्न सुरु आहेत. याबद्दल येत्या सोमवारी उच्च न्यायालयात सुनावणी आहे.
कोरटकरच्या पत्नीनं त्याचा पासपोर्ट कोल्हापूर पोलिसांकडे जमा केल्यानं कोरटकर देशातच असल्याचं स्पष्ट झालेलं आहे. सकाळी समोर आलेला त्याचा दुबईतील फोटो २०२३ मधील असल्याचं आता उघड झालं आहे. तो फोटो कोरटकरनं पोलिसांची दिशाभूल करण्यासाठी व्हायरल केला असावा, अशी शक्यता वर्तवली जात आहे.
लेखकाबद्दलकुणाल गवाणकरमहाराष्ट्र टाईम्स ऑनलाईनमध्ये सिनियर डिजिटिल कंटेट प्रोड्युसर म्हणून कार्यरत. ११ वर्षांपूर्वी वृत्तपत्रातून पत्रकारितेची सुरुवात. सकाळ, जय महाराष्ट्र, टीव्ही ९ मराठी, लोकसत्ता ऑनलाईन, न्यूज१८ लोकमत, लोकमत ऑनलाईनमधून प्रवास करत मटा ऑनलाईनपर्यंत वाटचाल; क्राईमच्या बातम्यांमध्ये हातखंडा; राजकीय, निवडणूक विषयक बातम्यांमध्ये रस.… आणखी वाचा