पुणे शहर, जिल्ह्यात मोफत धान्य योजना राबविण्यात येत आहेत. गरिबांसाठी प्राधान्य आणि अंत्योदय योजना राबविली जात आहे. जिल्ह्यात सहा लाख ३५ हजार ७५२ शिधापत्रिकाधारक आहेत. त्यापैकी ४८ हजार ८७७ अंत्योदय योजनेचे कार्ड असून, त्यामध्ये सुमारे दोन लाख लाभार्थी आहेत. प्राधान्य योजनेंतर्गत पाच लाख ८६ हजार ८८५ इतके शिधापत्रिकाधारक असून, त्यात २४ लाख ७६ हजार १७३ लाभार्थी आहेत. दोन्ही योजनेंतर्गत जिल्ह्यात २६ लाख ७६ हजार १४९ लाभार्थी आहेत.
Parbhani News: सोमनाथ सूर्यवंशींचा मृत्यू पोलिस मारहाणीतच! न्यायदंडाधिकाऱ्यांच्या अहवालात ठपका
यापूर्वी आधार कार्ड शिधापत्रिकेला जोडण्यासाठी ‘स्वस्त धान्य’ दुकानात जावे लागत होते. मात्र, अनेकदा सर्व्हर डाउनचा व्यत्यय येत असल्याने ‘केवायसी’ पूर्ण होत नव्हते; तसेच त्याला खूप प्रतीक्षा करावी लागत होती. ‘केवायसी’ पूर्ण केल्याने तुमच्या नावावर अन्य कोणीही व्यक्ती अथवा कुटुंब धान्य घेऊ शकणार नाही. ते रोखण्यासाठी आणि फसवणूक टाळण्यासाठी ‘केवायसी’ करण्याची अट सरकारने ठेवली होती. आता घरबसल्या ‘केवायसी’ पूर्ण करता यावा यासाठी ‘मेरा ई-केवायसी’ ॲप विकसित करण्यात आले आहे.
महत्त्वाची बातमी! सातबारा उताऱ्यात होणार मोठे बदल; ‘या’ वारसदारांची नावे यादीतून वगळणार
ॲड्रॉइड मोबाइलवर ‘Mera E KYC’ टाइप करून ॲप डाउनलोड करता येईल. त्यावर आधार क्रमांक जोडण्यासाठी तुमचा नोंदणीकृत मोबाइल क्रमांक द्यावा लागेल. त्यावर ‘ओटीपी’ आल्यास त्याची नोंद करावी लागेल. त्यानंतर https://play.google.com /store/apps/details?id=in.gov. uidai.facerd या दुसऱ्या ॲपद्वारे तुमच्या चेहऱ्याचे छायाचित्र घेतले जाईल आणि आधार क्रमांक रेशनकार्ड अथवा शिधापत्रिकेशी जोडले जाईल. त्यानंतर ‘ई-केवायसी’ पूर्ण होईल, अशी माहिती प्रशासनाने दिली.