Pune Mini Bus Fire: पुण्यातील हिंजवडी येथे एका मिनी बसला आग लागून चार जणांना आपला जीव गमवावा लागला होता. मात्र, हा अपघात नसून घातपात असल्याचं आता समोर आलं आहे.
कसा केला प्लॅन?
१९ मार्च रोजी जनार्दन हंबर्डीकर नेहमीप्रमाणे आपल्या घरातून निघाला. घराजवळ असणाऱ्या एका टपरीवरुन त्याने माचीस घेतली. त्याने कंपनीतून बेंजामिन केमिकल आणि काही कापडाचे तुकडे घेऊन गाडीत आणून ठेवले होते. त्याने ते केमिकल गाडीतच ठेवले होते. त्यानंतर दुसऱ्या दिवशी तो कापडाच्या चिंध्या सोबत घेऊन आला. कंपनीत येण्याच्या काही वेळा अगोदर म्हणजे कंपनी जवळ असणारा उतार सुरू होण्याआगोदर त्याने सोबत आणलेल्या आगपेटीच्या सहाय्याने कापडाच्या चिंध्याना आग लावली.
आग भडकल्याचे पाहून जनार्दन हंबर्डीकरने जीव वाचवण्यासाठी धावत्या बसमधून बाहेर उडी घेतली. त्यानंतर आग लागल्याचे पाहून गाडीतील पुढे बसलेल्या कर्मचाऱ्यांनी देखील धावत्या गाडीतून उड्या मारण्यास सुरुवात केली. जे पुढे बसले होते, त्यांनी पटापटा गाडीतून उद्या मारल्या. मात्र, मागच्या बाजूला बसलेल्या कर्मचाऱ्यांना ते शक्य झालं नाही. समोरच्या भागाला आग लागली होती आणि जेव्हा त्यांनी मागचा दरवाजा उघडण्याचा प्रयत्न , तेव्हा तो दरवाजाही उघडला नाही. अखेर चौघांचा होरपळून जागीच मृत्यू झाला. या घटनेने संपूर्ण राज्य हादरले आहे.
कंपनी कर्मचाऱ्यांनी दिवाळीमध्ये चालकाला पगार आणि बोनस दिला नव्हता. हंबर्डीकर ड्रायव्हर असून त्याला कंपनीमध्ये मजुरीचं काम सुद्धा करायला सांगत होते. याचा राग त्याच्या मनात असल्याने या रागातूनचं त्याने हे कृत्य केल्याची माहिती समोर येत आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा