याप्रकरणी पोलिसांनी दिलेल्या माहितीनुसार, संतोष सखाराम जाधव (मूळगाव नरसिंगपूर, ता. वाळवा) येथील असून सध्या तो आपली पत्नी सुमन उर्फ मंगल संतोष जाधव हिच्यासह सासरवाडी कलेढोण येथे बेघर वसाहतीत वास्तव्यास आहे. तो मोलमजुरी करून आपल्या कुटुंबाचा उदरनिर्वाह करत होता.
Bikaner News : बंद घरातून सतत भयानक दुर्गंध, शेजारच्यांनी पोलिसांना बोलावलं; समोरील दृश्य पाहून सर्वच हादरले, काय घडलं?

पत्नीच्या चारित्र्यावर संशय घेत सतत वाद

संतोष हा नेहमीच आपल्या पत्नीच्या चारित्र्यावर संशय घेत असल्यामुळे वारंवार त्यांच्यात खटके उडत होते. दोघांमध्ये मंगलचा भाऊ प्रशांत माने आणि त्याची पत्नी उषा हे नेहमीच या दोघांना समजावून सांगून त्यांचं भांडण मिटवत होते. परंतु बुधवार रात्री नऊच्या सुमारास संतोष आणि मंगल यांच्यात वादावादी सुरू होती. याच कारणावास्तव मंगलचा भाऊ आणि वहिनी उषा यांनी दोघांत समेट घडवून आणला होता. परंतु रागाच्या भरात संतोषने सुमन उर्फ मंगल हिचा गळा आवळून तिची हत्या करून तिथून पलायन केलं होतं.
Raigad News : शिमग्याचा कार्यक्रम आटोपून निघाले, पण नियतीच ठरली निष्ठूर; दोघांवर काळाचा घाला, संपूर्ण गाव हळहळले

घराचा दरवाजा उघडा दिसला आणि…

नेहमीप्रमाणे प्रशांत आणि त्याची पत्नी दोघेही पहाटे साडेपाचच्या दरम्यान मॉर्निंग वॉकला निघाले असता मंगलच्या घराचा दरवाजा उघडा दिसला. त्यावेळी त्यांनी आत जाऊन पाहिले, तर त्यावेळी त्यांना मंगल निपचित पडलेली दिसली. त्यांनी जवळ जाऊन पाहिलं असता मंगल मृत झाल्याचं लक्षात आलं. त्यांनी तात्काळ मायणी पोलीस ठाण्यात फोन करून याबाबत माहिती दिली.

पोलिसांनी घटनेचे गांभीर्य लक्षात घेऊन टीमने तात्काळ आरोपीचा शोध घेण्यास सुरुवात केली. काही वेळातच पोलिसांनी संशयित आरोपी संतोषला इस्लामपूरमधून अटक केली. या घटनेचा पुढील तपास पोलीस निरीक्षक घनश्याम सोनवणे यांच्या मार्गदर्शनाखाली सहाय्यक पोलीस निरीक्षक विक्रांत पाटील करत आहेत.