किरीट सोमय्या हे सिल्लोड शहर पोलिस ठाण्यात दाखल असलेल्या तक्रारीच्या अनुषंगाने सिल्लोड येथे जबाब देण्यासाठी आले होते. त्या वेळी ते बोलत होते. आधार कार्डवर जन्म प्रमाणपत्र मिळवणाऱ्या नागरिकांसह त्यांना पाठीशी घालणाऱ्या अधिकाऱ्यांवरही गुन्हे दाखल करण्याची मागणी त्यांनी केली. सिल्लोड येथील उपविभागीय अधिकारी या प्रकरणाला जबाबदार असल्याचा आरोप ही त्यांनी या वेळी केला.
प्रेम करणं गुन्हा आहे का? चाळिशीतील विवाहित प्रेमीयुगुलाने आयुष्य संपवलं; चिठ्ठीत सोळा जणांची नावं
जिल्ह्यात १० हजार बांगलादेशी रोहिंगे असून यात चार हजार ७३० सिल्लोड तालुक्यात असल्याचे ते म्हणाले. या पार्श्वभूमीवर त्यांनी सिल्लोड तालुक्यात या अगोदर दोन वेळी अधिकाऱ्याच्या भेटी घेतल्या होत्या.२० जानेवारीला त्यांनी उपविभागीय कार्यालयाला भेट देत या प्रकरणाची चौकशीची मागणी केली होती. यानंतर २५ फेब्रुवारीला परत पुन्हा सिल्लोडला येत ४०६ नागरिकांची यादी सिल्लोड शहर पोलिसांना देत त्यांनी गुन्हे दाखल करण्याची मागणी केली होती. यानंतर महसूल व नगरपरिषद प्रशासनाने चौकशी करीत या प्रकरणी उपविभागीय अधिकारी लतीफ पठाण यांनी शहरातील तिघांविरोधात गुन्हे दाखल केले.
सोलापुरात २८ वर्षीय तरुणाची निर्घृण हत्या; विवस्त्र करुन पाठीला लोखंडी सळीने दिलेले चटके, घटनेनं खळबळ
शहर पोलिस ठाण्यात त्यांनी उपविभागीय पोलिस अधिकारी डॉ. दिनेशकुमार कोल्हे, प्रशिक्षणार्थी पोलिस अधीक्षक मयंक माधव, पोलिस निरीक्षक शेषराव उदार यांच्याशी चर्चा केली. या वेळी भाजपचे प्रदेश सचिव सुरेश बनकर, सांडू पा. लोखंडे, अशोक गरुड, जिल्हा सरचिटणीस ज्ञानेश्वर मोठे, जिल्हा उपाध्यक्ष सुनील मिरकर, शहराध्यक्ष कमलेश कटारिया, सुभाष मानकर, विजय वानखेडे, अनिल खरात,विष्णू काटकर, दत्ता बडक आदी उपस्थित होते.