पोलीस अंमलदार रामदास बबनराव गव्हाने असे अभिमानास्पद कार्य केलेल्या कर्मचाऱ्याचे नाव असल्याची माहिती पोलीस आयुक्तालय तर्फे आज बुधवार दिनांक १२ रोजी सायंकाळी सात वाजता काढण्यात आल्या प्रसिद्धी पत्रकातून देण्यात आली आहे.

कर्तव्यावर जात असताना वाटेत भाजी विक्रेत्याला हार्ट अटॅक आलेला दिसला

याप्रकरणी पोलिस आयुक्तालयातर्फे देण्यात आलेल्या माहितीनुसार, पोलीस अंमलदार रामदास गव्हाणे हे घरून कर्तव्यावर जात होते. त्यांना वाटेतच मंगळवार ११ फेब्रुवारी रोजी दुपारी १३ः३५ वाजता एका भाजी विक्रेत्याला हार्ट अटॅक आल्याचं त्यांच्या लक्षात आलं. रामकिसन श्रीधरराव सुलक्षणे (वय ४०, रा. पेशवे नगर, छत्रपती संभाजीनगर) या भाजीपाला विक्रेत्याला हृदयविकाराचा तीव्र झटका आला होता. ते त्यांच्या दुकानातच जमिनीवर कोसळले होते. रामकिसन हे भाजी विक्रेता बेशुध्दावस्थेत गेले होते. यावेळी अंमलदार रामदास गव्हाणे यांनी क्षणाचाही विलंब न करता प्रसंगावधान राखून रामकिसन यांना तत्काळ सीपीआर देण्यात सुरुवात केली. त्यामुळे त्यांचे प्राण वाचले आहेत. त्यानंतर त्यांना तातडीने सिग्मा हॉस्पिटल येथे बेशुद्ध अवस्थेत उपचारासाठी दाखल करण्यात आले. सध्या त्यांच्यावर उपचार सुरु आहेत.

पोलीस आयुक्तांकडून रामदास गव्हाणे यांचा सत्कार

पोलीस आमदार रामदास गव्हाणे यांनी दाखवलेल्या प्रसंगावधानामुळे मृत्यूच्या दाढेत गेलेल्या रामकिसन यांचे प्राण वाचू शकले आहे. दरम्यान, या घटनेचा व्हिडिओ सध्या समाज माध्यमांवर चांगलाच व्हायरल होत आहे. कर्तव्यावर नसतानाही सामाजिक भान राखत आपली जबाबदारी पार पाडणाऱ्या रामदास गव्हाणे या अंमलदाराचं सर्व स्तरातून खूप कौतुक होत आहे. या घटनेची माहिती मिळताच पोलीस आयुक्त प्रवीण पवार यांनी गव्हाणे यांना बोलवून त्यांचा सत्कार केला.