पुण्यातील शास्त्रीनगर चौकात लघुशंका करत अश्लील चाळे करणाऱ्या गौरव अहुजा आणि त्याच्या मित्राची येरवडा पोलिसांनी त्याच ठिकाणाहून धिंड काढली आहे. पोलिसांनी या बड्या बेट्याचा माज उतरवला आहे. शास्त्रीनगर चौकात रस्त्याच्या मधोमध गाडी थांबवून या तरुणाने लघुशंका केल्याचा व्हिडीओही सोशल मीडियावर चांगलाच व्हायरल झाला होता. त्यामुळे संतापाची लाट उसळली होती. घटनेच्या काही तासानंतर गौरव अहुजाला कराड पोलिसांनी ताब्यात घेतलं होतं. त्यापूर्वी गौरवने सोशल मीडियावर व्हिडीओ व्हायरल करून माफी मागितली होती.