सध्या वैयक्तिक मालकीच्या चारचाकी सीएनजी व एलपीजी वाहनांवर वाहनप्रकार आणि किंमतीनुसार सात ते नऊ टक्के दराने मोटार वाहनकराची आकारणी केली जाते. या करांच्या दरांमध्ये एक टक्क्याने वाढ प्रस्तावित करण्यात आली. या दरवाढीमुळे राज्याला सन २०२५-२६ मध्ये सुमारे १५० कोटी रुपयांचा अतिरिक्त महसूल मिळण्याची अपेक्षा आहे. तर, दुसरीकडे राज्यात ३० लाख रुपयांपेक्षा अधिक किंमतीच्या इलेक्ट्रिक वाहनांवर सहा टक्के दराने मोटार वाहनकराची आकारणी करण्याची घोषणाही पवार यांनी केली. तसेच मोटार वाहन कराची कमाल मर्यादा ही २० लाख रुपयांवरून ३० लाख रुपये असे करण्यात येणार आहे.
Maharashtra Budget 2025: नागपूर मेट्रो सुसाट; अर्थसंकल्पात ‘इतक्या’ कोटींची तरतूद, उमरेड रोडवर होणार ‘अर्बन हाट’
कमाल मर्यादेत प्रस्तावित वाढीमुळे सन २०२५-२६ मध्ये राज्याला सुमारे १७० कोटी रुपयांचा अतिरिक्त महसूल मिळणे अपेक्षित आहे. बांधकामासाठी वापरल्या जाणाऱ्या क्रेन्स, कॉम्प्रेसर, प्रोजेक्टर्स आणि एक्सॅव्हेटर्स या प्रकारातील वाहनांना अनिवार्यपणे एकरकमी वाहनाच्या किंमतीच्या सात टक्के दराने मोटार वाहन कर आकारण्याचे प्रस्तावित असल्याचे पवार म्हणाले. प्रस्तावित करसुधारणेमुळे राज्याला सुमारे १८० कोटी रुपयांचा अतिरिक्त महसूल मिळणे अपेक्षित आहे.
Maharashtra Budget 2025: पुण्याची पाटी कोरीच, अर्थसंकल्पात पुरंदर विमानतळाचा नामोल्लेखही नाही
राज्यात ७५०० किलो वजनापर्यंतच्या मालवाहतूक करणाऱ्या हलक्या वाहनांवर (एलजीव्ही) अनिवार्यपणे एकरकमी वाहनांच्या किंमतीच्या सात टक्के दराने मोटार वाहन कर आकारण्यात येणार आहे.