Virar Crime News : विरारमध्ये एका ३ महिन्यांच्या चिमुकल्याचं विवाहितेने अपहरण केलं होतं. या घटनेने एकच खळबळ उडाली होती. मात्र पोलिसांनी महिलेचा शोध घेत तिला ताब्यात घेतलं आहे.
नेमकं काय आहे प्रकरण?
१८ फेब्रुवारी रोजी तीन महिन्यांच्या मुलाचं अपहरण झालं होतं. अपहरण झालेल्या मुलाच्या वडिलांनी सांगितलं, की त्यांचा मुलगा त्यांच्या एका नातेवाईकासोबत बाहेर खेळत होता. पण ज्यावेळी ती परत आली, त्यावेळी मुलगा तिच्यासोबत नव्हता. त्यानंतर मुलाच्या वडिलांनी पोलिसांत तक्रार दिली. १८ फेब्रुवारीपासून पोलीस चिमुकल्याचा शोध घेत होते. तसंच याप्रकरणी भारतीय न्याय संहिता (BNS) च्या कलम १३७ (२) अंतर्गत गुन्हा दाखल करण्यात आला.
Titwala News : तू मला खूप आवडतेस… आरोपी पाठलाग करत थेट घरात घुसला, अल्पवयीन मुलींचा विनयभंग, टिटवाळ्यात खळबळ
चिमुकला बेपत्ता झाल्याची तक्रार दाखल झाल्यानंतर पोलिसांनी चिमुकल्याचा शोध सुरू केला. तपास करताना पोलिसांनी सीसीटीव्ही फुटेज तपासण्यास सुरुवात केली. यावेळी एका फुटेजमध्ये एक महिला लहान मुलाला घेऊन जाताना दिसते आहे. पोलिसांनी पुढील तपास सुरू केला, त्यावेळी महिला बिहारच्या नालंदा इथे लपली असल्याचं समोर आलं. त्यानंतर नालंदामध्ये पोलिसांचं एक पथक पाठवण्यात आलं. नालंदा इथून पोलिसांनी महिलेला अटक केली असून मुलाला सुखरुप ताब्यात घेतलं.
Ratnagiri News : रत्नागिरीतील चिमुकलीचा गोव्यात नरबळी? मुलगी आधी बेपत्ता, नंतर गाडलेल्या स्थितीत समोर; परिसरात खळबळ
महिलेने चिमुकल्याचं अपहरण करण्याचा प्लॅन का केला?
पोलिसांना मिळालेल्या माहितीनुसार, आरोपी महिलेचं लग्न झालं आहे. तसंच तिला तीन मुलंही आहेत. पण त्या महिलेचे एका तरुणासोबत प्रेमसंबंध होते. महिला ३६ वर्षांची असून तिचा प्रियकर १८ वर्षांचा आहे. दोघांमध्ये वयाचं मोठं अंतर आहे. त्यामुळे आपल्या प्रियकरासोबत नवं आयुष्य सुरू करण्यासाठी ती कोणत्याही थराला जाण्यास तयार होती. तिने प्रियकराला अपहरण केलेलं मूल तिचचं असल्याचं सांगितलं. त्यानंतर ती प्रियकरासोबत बिहारमध्ये राहू लागली.
Mumbai Nagpada News : पाण्याची टाकी साफ करताना ४ कर्मचाऱ्यांचा गुदमरुन मृत्यू, मुंबई नागपाड्यातील दुर्दैवी घटना
Crime News : १८ वर्षांच्या बॉयफ्रेण्डसाठी, ३६ वर्षांच्या विवाहितेने विरारमध्ये ३ महिन्यांचं बाळ उचललं आणि थेट…
विरारमधून अपहरण केलेलं मूल घेऊन महिला बिहारला आली. इथे पोलीस तिच्या शोधात पोहोचल्यानंतर पोलिसांना तिने हे मूल आपलंच असल्याचं सांगितलं. तिच मुलाची खरी आई असल्याचा दावा करू लागली. पण पोलिसांच्या कसून चौकशीनंतर तिला ताब्यात घेण्यात आलं आणि विरारमध्ये आणण्यात आलं. ३ महिन्यांचा चिमुकला त्याच्या खऱ्या आई-वडिलांकडे सुखरुप पोहोचवण्यात आला. तर महिलेला ताब्यात घेत तिला न्यायालयीन कोठडी सुनावण्यात आली आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा