बागेश्वर धामचे महंत धीरेंद्र शास्त्री महाराष्ट्र दौऱ्यावर असून ते सध्या नांदेडमध्ये आहेत.. सोमवारी रात्री धीरेंद्र शास्त्री यांचं नांदेड विमानतळावर आगमन झालं. हदगाव पिंपळगाव येथील शिवपुराण कथेत सहभागी होण्यासाठी धीरेंद्र शास्त्री हे नांदेड दौऱ्यावर आले आहेत. रात्री दहाच्या सुमारास धीरेंद्र शास्त्रींचं नांदेड विमानळावर आगमन झालं. यावेळी त्यांच्या स्वागतासाठी भाविकांनी विमानतळावरच प्रचंड गर्दी केली होती. या गर्दीला रोखण्यासाठी पोलिसांचाही ताण वाढला होता. गर्दीला रोखण्यासाठी पोलिसांनी बॅरिकेट्स देखील लावले होते. मात्र धीरेंद्र शास्त्रींना पाहण्यासाठी जमलेली गर्दी इतकी होती की यावेळी बॅरिकेट्सही तुटले. यावेळी धिरेंद्र शास्त्रींना पाहून लोकांनी घोषणा दिल्या तसंच फुलांची उधळण केली