Maharashtra Budget 2025: ‘मुख्यमंत्री लाडकी बहीण योजने’सह सरकारच्या अन्य योजनांना किती निधी मिळणार व आर्थिक शिस्तीसाठी कोणते कठोर निर्णय घेतले जाणार हे पाहावे लागेल.
विधानसभा निवडणुकीआधी अंतरिम अर्थसंकल्पात अर्थमंत्री पवार यांनी ‘लाडकी बहीण’ योजनेंतर्गत २१ ते ६५ वयोगटातील महिलांना दरमहा दीड हजार रुपये देण्याची घोषणा केली होती. या योजनेच्या लोकप्रियतेचा महायुतीला प्रचंड फायदा झाला. मात्र, निवडणुकीआधी जाहीर केलेल्या विविध योजना आणि विकासकामांना दिलेल्या भरघोस निधीमुळे राज्याची आर्थिक स्थिती बिघडल्याची टीका विरोधकांकडून करण्यात येत आहे.
आम्हाला एक खून माफ करा; रोहिणी खडसेंची राष्ट्रपतींकडे अजब मागणी, नेमकं काय म्हणाल्या त्या? पाहा VIDEO
पवार यांनीही अर्थसंकल्पात काही कठोर निर्णय घ्यावे लागतील, असे संकेत दिले आहेत. त्यामुळे अर्थसंकल्पात ते कोणत्या खर्चाबाबत हात आखडता घेतात; तसेच ‘लाडकी बहीण’ व शेतकऱ्यांना काय दिलासा देतात, याची राज्याला उत्सुकता आहे.
Vijay Wadettiwar: बेईमान भावांना तू माफ करशील का? विजय वडेट्टीवार यांचे लाडक्या बहिणींना खुले पत्र
पवार यांचा ११वा अर्थसंकल्प
राज्यात शेषराव वानखेडे यांनी सर्वाधिक १३ वेळा अर्थसंकल्प सादर केला आहे. त्यापाठोपाठ पवार (११वेळा) हे सर्वाधिक वेळा अर्थसंकल्प सादर करणारे दुसरे अर्थमंत्री ठरतील. त्यानंतर जयंत पाटील (१० वेळा) आणि सुशीलकुमार शिंदे (९ वेळा) यांनी सर्वाधिक वेळा अर्थसंकल्प सादर केला आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा