रोहतांगचा अटल टनेल ज्या कंपनीने साकारला त्या ‘स्मेक’ या मल्टिनॅशनल कंपनीत वैष्णवी टनेल अँड जिओटेक्निकल इंजिनीअर म्हणून काम करते. मुळात या क्षेत्रात मुलींचं प्रमाण फारच नगण्य आहे. इंटरनॅशनल कमिटी ऑफ लार्ज डॅम (आयकोल्ड)शी संलग्न असलेल्या भारतीय ‘इनकोल्ड’च्या एका सर्वेक्षणात असं आढळलं आहे, की या टनेल इंजिनीअरिंग क्षेत्रात जगभरात दहा टक्क्यांपेक्षाही कमी मुली आहेत. यात वैष्णवीचा समावेश आहे हे विशेष.
नशेचा विळखा भेदणारी ‘सुपर कॉप’! वर्षभरात ९० ड्रग्ज तस्करांच्या आवळल्या मुसक्या, कोण आहेत NDPSच्या सुशीला कोल्हे?
वैष्णवीचा प्रवासच मुळी वैष्णोदेवीच्या नावापासून सुरू होतो. कारण तिचं नाव वैष्णोदेवीवरूनच ठेवण्यात आलं. या देवीच्या दर्शनासाठी भुयारी मार्गातूनच जावं लागतं. ही वैष्णवीही अनेकांच्या जीवनात प्रकाशाचा एक कवडसा अशाच भुयारी मार्गातून घेऊन येत आहे. वैष्णवीचं शालेय शिक्षण किलबिल सेंट जोसेफ हायस्कूलमधून, तर पुण्यात सिव्हिल इंजिनीअरिंग केलं. त्यानंतर गेट परीक्षा देऊन तिने ‘एमआयटी’मधून टनेल इंजिनीअरिंग केलं. मुळात लहानपणापासूनच तिला फोर लेन, सिक्स लेन महामार्गांचं, भुयारांचं विशेष आकर्षण होतं. ‘नॅशनल जिओग्राफिक’वरील ‘मेगास्ट्रक्चर्स’ या मालिकेने तर तिच्यातलं कुतूहल आणखी जागृत झालं. आता त्याच क्षेत्रात प्रत्यक्षात काम करताना तिला कमालीचा आनंद होतो.
Kirit Somaiya: कळवणमध्येही बांगलादेशी? ‘पीएम किसान योजने’च्या चौकशीची किरीट सोमय्यांची मागणी
एम.टेक.ला असतानाच वैष्णवीने स्वारगेटच्या मेट्रो प्रकल्पावर दोन महिने बारा-बारा तास उभं राहून काम केलं आहे. अर्थात, ते शिकण्याचं वय होतं. आशियातील सर्वांत खोल असलेल्या या प्रोजेक्टनंतर वैष्णवी अरुणाचल प्रदेशातील दिबांग या आशियातल्या सर्वांत मोठ्या आरसीसी धरणावरही काम करीत आहे. मुंबईतही काही वॉटर टनेलचे प्रोजेक्ट सुरू आहेत. या प्रोजेक्टमध्ये रीझर वायरमधून पाणी आणून त्यावर वॉटर ट्रीटमेंट करून शुद्ध पाण्याचा पुरवठा शहराला केला जाणार आहे. वैष्णवी अशा एक ना अनेक प्रोजेक्टवर एकाच वेळी काम करीत आहे. दगडमातीचा पोत कसा आहे, तो जर कमकुवत असेल तर त्याचं डिझाइन कसं असायला हवं, ज्यामुळे भुयार किंवा धरण भक्कमपणे उभं राहू शकेल. तिचं डिझाइन झाल्यानंतर इतर स्ट्रक्चरल अर्थात रचनात्मक डिझाइन दुसरा इंजिनीअर पाहतो. यासाठी अनेकदा तिला त्या भुयारात किंवा धरणाच्या कामावर जाऊन पाहणीही करावी लागते.
वाळू माफियांना दणका! ५ बोटी जिलेटिनने उडविल्या, खडकपूर्णा प्रकल्पात महसूल विभागाची कारवाई
आव्हान स्वीकारण्याचे धैर्य‘आयकोल्ड’शी संलग्न टनेलिंग असोसिएशन ऑफ इंडियाच्या (इनकोल्ड) यंग प्रोफेशनल फोरमचीही ती सदस्या आहे. ही संघटना टनेल क्षेत्रातील बदलावर परिषदा घेत असते. टनेल क्षेत्रातील आंतरराष्ट्रीय परिषदांमध्ये तिने सहभाग घेतला आहे. आव्हान स्वीकारण्यासाठी मी नेहमीच सज्ज असते, असे वैष्णवी आत्मविश्वासाने सांगते. अर्थात, या प्रवासात तिला वडील रमेश व आई अलका या दोघांनी दिलेली साथ मोलाची वाटते.