आता या हत्याप्रकरणात मोठी माहिती पुढे येताना दिसतंय. देशमुख हत्या प्रकरणात ५ गोपनिय साक्षीदारांचे जबाब महत्वाचे ठरले आहेत. कराड, चाटे, घुले टोळीच्या दहशतीबाबत जबाबातून पुढे आलीये. साक्षीदारांची नावे ही सुरक्षेच्या कारणामुळे गोपनीय ठेवण्यात आली आहेत. संतोष देशमुख हत्या प्रकरणाच्या तपासात ५ गोपनिय साक्षीदारांच्या जबाबामुळे मोठी मदत झालीये. यातील पहिला साक्षीदार हा तिरंगा हॉटेलमधील बैठकीच्यावेळी उपस्थित होता.
भुजबळांमुळे वाट्टोळं, जिंदगीभर खुन्नस, तुरुंगात मुद्दाम भेटायला गेलो; धसांना इतका राग का?तिथे नेमके काय संभाषण झाले, हे देखील सांगितले. तिथेच विष्णू चाटे आणि सुदर्शन घुलेची भेट झाली होती आणि तिथेच हत्येचा कट रचला गेला होता. आता दुसरीकडे परळीतील व्यापारी महादेव मुंडे खून प्रकरणात वाल्मिक कराडच्या निकटवर्तीयाची कसून चौकशी करण्यात आली आहे. वाल्मिक कराडचा निकटवर्तीय श्रीकृष्ण उर्फ भावड्या कराड याची दीड तास विशेष पथकाकडून चौकशी करण्यात आलीये. यामुळे या प्रकरणातही कराड संबंध जोडला जातोय.

महादेव मुंडे यांचा खून प्लॉटिंगच्या व्यवहारातून झाल्याचा संशय त्यांच्या पत्नी ज्ञानेश्वरी मुंडे यांनी व्यक्त केला होता. त्यामुळे या प्रकरणात श्रीकृष्ण उर्फ भावड्या कराडचा काही संबंध आहे का? हे तपासले जात आहे. पोलीस अधीक्षक नवनीत कॉवत यांनी स्थापन केलेल्या पथकाने ही चौकशी केली असल्याची माहिती मिळतंय. आतापर्यंत विशेष पथकाकडून महादेव मुंडे खून प्रकरणात 15 मुख्य संशयीतांची चौकशी झाली आहे. श्रीकृष्ण उर्फ भावड्या कराड परळी नगर परिषदेचे माजी पाणीपुरवठा सभापती आहे.