देवेंद्र फडणवीस काय म्हणाले?

मंत्री धनंजय मुंडे यांनी पदाचा राजीनामा सोपवला, मी तो स्वीकारला आहे. पुढील कारवाईसाठी मी राजीनामा राज्यपालांकडे सुपूर्द केला आहे. धनंजय मुंडे यांचा राजीनामा स्वीकारुन त्यांना मुक्त करण्यात आलं आहे, अशी मोजक्या शब्दात मुख्यमंत्री देवेंद्र फडणवीस यांनी पहिली प्रतिक्रिया दिली.
Dhananjay Munde Resigns : अखेर धनंजय मुंडे यांचा राजीनामा, संतोष देशमुख हत्या प्रकरण भोवले

करुणा शर्मा काय म्हणाल्या?

मी फेसबुकवर तारीख दिल्याप्रमाणे अजित पवार आणि देवेंद्र फडणवीस कालच जाहीर करतील असं वाटलं होतं. कारण दोन दिवस आधीच राजीनामा घेतला आहे. मात्र आता न्याय मिळेल अशी अपेक्षा आहे. क्रूर वृत्ती, मंत्रिपदाचा गैरवापर करुन मला त्रास देत आहेत. मृत व्यक्तींच्या नावे मतदान करुन धनंजय मुंडेंनी विधानसभा निवडणुकीत विजय मिळवला. २७ नोव्हेंबर २०२४ रोजी मी निवेदन दिलंय, की धनंजय मुंडेंना शपथ घेऊ देऊ नका, ते क्रूर आहेत. संतोष देशमुख यांच्या हत्येमुळे यांचं खरं रुप समोर आलं, असं करुणा शर्मा (Karuna Sharma On Dhananjay Munde Resignation) याआधी म्हणाल्या.
Dhananjay Munde : धनंजय मुंडेंचा राजीनामा कोणाच्या पथ्यावर, मंत्रिपदासाठी ‘ही’ दोन नावं चर्चेत
संतोष देशमुखांच्या मृत्यूनंतर चेहऱ्यावर लघुशंका, हसत आहेत, फोटो काढतात. वाल्मिक कराड व्हिडिओ कॉलवर हे बघत होता. त्यांची काय मानसिकता आहे? ती लघवी संतोष देशमुखांच्या तोंडावर नाही, शासन प्रशासनाच्या कारभारावर आहे. जर मृतांसोबत असं वागतात, तर जिवंत आहेत, त्यांच्यासोबत कसं वागतील? दोषींना फाशी व्हावी, ही त्यांचीच मागणी होती, आमची नाही, किमान त्यांची मागणी तरी पूर्ण करा, असं करुणा शर्मा पुढे म्हणाल्या.