काल रात्रीच्या बैठकीत धनंजय मुंडे यांच्या राजीनाम्याचा निर्णय झाला होता. शेवटी त्यांनी सकाळी राजीनामा दिला आहे. त्यानंतर मुख्यमंत्री यांनी मुंडेंचा राजीनामा स्वीकारला आणि पुढील कारवाईसाठी राज्यपालांकडे पाठवला. सामाजिक कार्यकर्त्या अंजली दमानिया यांच्याकडून सुरूवातीपासूनच धनंजय मुंडे यांच्या राजीनाम्याची मागणी केली जात होती. अजित पवार यांनी म्हटले होते की, राजीनामा द्यायचा की नाही हा निर्णय धनंजय मुंडे हेच ठरवतील.
Dhananjay Munde Resignation : राजकीय घडामोडींना वेग, देवेंद्र फडणवीस, अजित पवार, सुनील तटकरे यांच्यात बैठक, धनंजय मुंडेंवर राजीनाम्यासाठी दबाव?संतोष देशमुख यांच्या हत्येचे काही फोटो व्हायरल झाली. यानंतर लोकांमध्ये मोठा संताप बघायला मिळाला. अत्यंत क्रुरपणे देशमुखांची हत्या करण्यात आला. फोटो व्हायरल झाल्यानंतर धनंजय मुंडे यांच्यावर राजीनाम्यासाठी दबाव होता. सीआयडीने त्यांच्या आरोपपत्रात वाल्मिक कराड हा मुख्यआरोपी संतोष देशमुखांचे असल्याचे म्हटले. वाल्मिक कराड हा धनंजय मुंडे यांचा निकटवर्तीय आहे. यामुळेच धनंजय मुंडे यांच्यावरही आरोप होत होती.

शेवटी आता धनंजय मुंडे यांनी राजीनामा दिला आहे. यावर बोलताना राज्याचे मुख्यमंत्री देवेंद्र फडणवीस हे दिसले. आता राजीनाम्यावर धनंजय मुंडे हे काय बोलतात, याकडे सर्वांच्या नजरा असल्याचे बघायला मिळतंय. संतोष देशमुख यांचे भाऊ धनंजय देशमुख हे अजून काही आरोप करताना दिसत आहेत. आज सकाळीच मराठा समाजाचे नेते मनोज जरांगे पाटील हे मस्साजोगला पोहोचले होते. त्यांनी धनंजय देशमुख यांची भेट घेतली. यावेळी ढसाढसा रडताना धनंजय देशमुख हे दिसले. धनंजय देशमुख यांनी रात्री अडीचच्या दरम्यान अंजली दमानिया यांना मेसेज केला होता.