आता याबद्दल बोलताना सामाजिक कार्यकर्त्या अंजली दमानिया (Anjali Damania) या दिसल्या आहेत. अंजली दमानिया म्हणाल्या की, संतोष देशमुखांच्या हत्येचे फोटो बघितल्यानंतर रात्री मला झोप लागली नाहीये. धनंजय देशमुखने मला रात्री अडीच वाजता मेसेज केला. ताई मला हे बघवत नाहीये आणि मी काहीतरी निर्णय घेणार आहे. मला काय बोलावे हेच सुचत नाहीये. मी त्याला सकाळी फोन करून काही करू नको फक्त शांत रहा सांगितले. हे सर्व सांगताना अंजली दमानिया या रडताना देखील दिसल्या.
Dhananjay Munde Resignation : राजकीय घडामोडींना वेग, देवेंद्र फडणवीस, अजित पवार, सुनील तटकरे यांच्यात बैठक, धनंजय मुंडेंवर राजीनाम्यासाठी दबाव?मुख्यमंत्री धनंजय मुंडेंना बडतर्फ का नाही करू शकत? असाही प्रश्न यावेळी त्यांनी उपस्थित केला. शासनाला अजूनही धनंजय मुंडे यांच्या राजीनाम्याची वाट बघायची आहे. मला कंटाळा आलाय या राजकारणाचा. भावना, संवेदना सर्व संपल्या आहेत, या राजकारण्यांच्या. त्या थर्डक्लास कराडला अजूनही व्हीआयपी ट्रीटमेंट दिली जात आहे. मुख्यमंत्र्यांना का सांगता येत नाही, हा मंत्री मला नको म्हणून, असाही प्रश्न यावेळी अंजली दमानिया यांनी उपस्थित केला.

अंजली दमानिया यांनी पुढे म्हटले की, राजीनामा गेला खड्ड्यात धनंजय मुंडे यांना बडतर्फ करा. सर्वजण सांगत आहेत, सर्व पुरावे दिली आहेत. तरीही तुम्हाला राजीनामा घेणे शक्य होत नाहीये. बस झाले तुमचे राजकारण असेच थेट म्हणताना अंजली दमानिया यांनी म्हटले आहे. धनंजय मुंडे आज राजीनामा देणार असल्याचे सांगितले जात आहे. मुख्यमंत्री देवेंद्र फडणवीस यांनीच त्यांचा राजीनामा मागितला असल्याचे सुत्रांनी सांगितले आहे. यावर आता अनेकांनी प्रतिक्रिया दिल्या आहेत.