बीडच्या मस्साजोगचे सरपंच संतोष देशमुख यांची अत्यंत निर्दयीपणे हत्या करण्यात आली होती. आरोपींनी क्रौऱ्याच्या सर्व सीमा ओलांडत या हत्येसंबंधीचे चित्रण देखील केले. संतोष देशमुख हत्या प्रकरणांमध्ये व्हॉट्सअप कॉल चा व्हिडिओ महत्त्वाचा पुरावा ठरला. फॉरेन्सिक कडून हा व्हिडिओ सीआयडीला मिळाल्यानंतर त्याचे छोटे छोटे दहा ते बारा व्हिडिओ तयार झाले आणि त्यातूनच या व्हिडिओमधील व्यक्ती आणि सीआयडीने या प्रकरणात ताब्यात घेतलेली व्यक्ती यांची फॉरेन्सिक तपासणी झाली.

दरम्यान, या अमानुषतेचे फोटो समाजमाध्यमांवर प्रसारित झाल्यानंतर धनंजय देशमुखांनी एकच फोटो पाहून ते फोटो माध्यमांतून हटवण्याची विनंती केली. “हे फोटो आधिच गृहमंत्रालयापर्यंत पोहोचले होते. सर्वांनी फोटो आधीच पाहिले आहेत. या प्रकरणात १५०-२०० लोक सहभागी आहेत. सरकारला सर्व माहित आहे. पण कोणाला वाचवण्याचा प्रयत्न होतोय हे महाराष्ट्राच्या जनतेला माहित आहे. मारेकऱ्यांना नियती माफ करणार नाही.” असे धनंजय देशमुख म्हणाले.

समाजमाध्यमांवर संतोष देशमुख यांच्या हत्येचे फोटो प्रसारित झाल्यानंतर मनोज जरांगे धनंजय देशमुखांच्या भेटीला पोहोचले. देशमुखांचे सांत्वन करत जरांगेंनी धनंजय मुंडेंवर ३०२ अंतर्गत गुन्हा दाखल करण्याची मागणी त्यांनी सरकारकडे केली आहे. “ही टोळी राज्यातून संपवावी लागेल. धनंजय मुंडेंना आमदारकीसकट मंत्रीपदावरुन उचलून फेका” अशी मागणीही यावेळी जरांगेंनी केली.

काल(३फेब्रुवारी) देवगीरी बंगल्यावर मुख्यमंत्री देवेंद्र फडणवीस आणि उपमुख्यमंत्री अजित पवार यांच्यात झालेल्या बैठकीत मुख्यमंत्री देवेंद्र फडणवीस धनंजय मुंडेंचा राजीनामा घेणार असल्याच्या बातमीवर शिक्कामोर्तब झाले आहे.