रविवारी सकाळी १०.३० च्या सुमारास विकास काळे हे पिग्मी जमवण्याकरता त्यांच्या सुझुकी अॅक्सेस गाडी नं MH-08AM-२८९२ ने पालगड मंडणगड दिशेला निघाले होते. याचवेळी दापोलीच्या दिशेने येणारी तन्मय जगतापची दुचाकी ट्राएम स्कॅमलर गाडी नं MH-12-XC-०३३० ने विकास यांच्या गाडीला मागून धडक दिली. शिरखल पुल या ठिकाणी दुचाकींमध्ये धडक झाल्याने मोठा अपघात घडला. या अपघातात विकास काळे हे रस्त्याच्या मध्यभागी फेकले गेले यावेळी त्यांच्या मेंदूला मोठी दुखापत होऊन रक्तस्राव झाला. यामध्ये त्यांचा जागीच मृत्यू झाला.

दरम्यान, अपघाताची माहिती कळताच तेथील ग्रामस्थांनी तात्काळ घटनास्थळी धाव घेतली. करंदिकर हॉस्पीटल पालगड येथे नेले असता डॉ. अशोक करदिकर यानी त्यांचे उजवे हाताला ड्रेसिंग करुन पुढील उपचाराकरिता उपजिल्हा रुग्णालय दापोली येथे तात्काळ हलवण्यात आले. यावेही उपजिल्हा रुग्णालयातील वैद्यकीय अधिकाऱ्यांनी विकास काळे यांना तपासणी करुन त्यांना मृत घोषित केले.

काळे यांच्या अपघाती निधनामुळे काळे कुटुंबावर दुःखाचा डोंगर कोसळला आहे. तर परिसरात हळहळ व्यक्त केली जात आहे. विकास काळे हे पालगड परिसरातील हरहुन्नरी व्यक्तिमत्व म्हणून ओळखले जात होते. पुज्य साने गुरुजी पतसंस्था पालगड या पतसंस्थेची रोज पिग्मी गोळा करण्याचे काम करत असत. याशिवाय त्यांचा शेती व भाजीपाल्याचा व्यवसाय होता त्यांच्या पश्चात पत्नी व मुलगा असं कुटुंब आहे. या अपघाताची नोंद दापोली पोलीस ठाण्यात करण्यात आली असून दुचाकी स्वाराविरोधात गुन्हा दाखल करण्यात आला आहे.