संतोष देशमुख यांना अमानुषपणे मारहाण करताना आरोपी महेश केदार याच्या फोनमध्ये घटनेचे व्हिडीओ आणि फोटो काढण्यात आले. महेश केदार याच्या मोबाईलमधील सर्व फोटो आणि व्हिडीओ सीआयडीने जप्त केले आहेत. संतोष देशमुख यांना 9 डिसेंबरला सलग 3 तास अमानुषपणे मारहाण करण्यात आली होती. या घटनेचे व्हिडीओ सीआयडीच्या हाती लागले आहेत. सीआयडीने आरोपपत्रात या व्हिडीओ आणि फोटोचे तपशील मांडले आहेत.

आरोपपत्रात काय म्हटलंय?

संतोष देशमुख यांचं 9 डिसेंबरला अपहरण करण्यात आलं होत. त्यानंतर आरोपींनी संतोष देशमुखांना अमानुषपणे मारहाण करत त्यांनी निर्घृणपणे हत्या केली होती. या हत्या प्रकरणाचा मास्टरमाईंड हा वाल्मिक कराड हाच असल्याचं निष्पन्न झालं आहे. सीआयडीने आपल्या आरोपपत्रात याबाबतचे पुरावे सादर केले आहेत. विशेष म्हणजे वाल्मिक कराड याच्याकडून अवादा पवनचक्की कंपनीकडे खंडणीची मागणी करण्यात आली होती. त्याला संतोष देशमुखांनी विरोध केला म्हणून वाल्मिक कराड याने देशमुखांच्या हत्येचा कट रचला.

Ajit Pawar : ‘का रे दुरावा का रे अबोला’, अजित पवारांनी धनंजय मुंडे यांना टाळलं? व्हिडीओ समोर
सीआयडीने आरोपींचा सीडीआरदेखील गोळा केला आहे. संतोष देशमुख आडवा आला तर त्याला कायमचा धडा शिकवा, असं वाल्मिक कराडने त्याच्या सहकाऱ्यांना म्हटल्याचं आरोपपत्रात नमूद करण्यात आलं आहे. सीआयडीने या प्रकरणात वाल्मिक कराडला प्रमुख आरोपी म्हटलं आहे. तर विष्णू चाटे याला दुसऱ्या क्रमांकाचा आरोपी म्हणून आरोपत्रात उल्लेख करण्यात आला आहे. या आरोपपत्रातून आणखी काही महत्त्वाचे खुलासे होण्याची शक्यता आहे.