केंद्रीय राज्यमंत्री रक्षा खडसे यांच्या मुलीची टवाळखोर तरुणांनी छेड काढल्याचा प्रकार घडलाय. शुक्रवारी मुक्ताईनगर येथील यात्रा महोत्सवात छेडछाडीची घटना घडलीय. या प्रकरणाची माहिती मिळताच रक्षा खडसेंनी पोलीस ठाण्यात धाव घेतली यावेळी मुक्ताईनगर पोलीस ठाण्याबाहेर कार्यकर्त्यांचा जमाव पाहायला मिळाला. या प्रकरणामुळे मुक्ताईनगरमध्ये तणावपूर्ण शांतता निर्माण झाली असून याबाबत संबंधित मुलांविरुद्ध गुन्हा दाखल करण्यात आला आहे.