Rohit Pawar post सोशल मीडियावर शेअर केलेल्या पोस्टमुळे आमदार रोहित पवार हे शरद पवारांच्या पक्षावर नाराज असल्याची चर्चा आहे. पक्षाच्या बैठकीत त्यांना कोणतीही जबाबदारी न मिळाल्याने त्यांच्या नाराजीची शक्यता आहे. त्यामध्ये त्यांनी अशाप्रकारची पोस्ट ही सोशल मीडियावर शेअर केलीये.
रोहित पवारांची ती पोस्ट आणि चर्चांना उधाण
रोहित पवार यांनी आपल्या पोस्टमध्ये म्हटले की, शत्रू हा कायम उघडपणे विरोधातच असतो…पण काही जवळच्या माणसांपासून सावध राहण्याची गरज. नुकताच झालेल्या पक्षाच्या बैठकीमध्ये रोहित पवार यांना कोणतीही जबाबदारी मिळाली नसल्याने ते नाराज असल्याची सूत्रांची माहिती आहे. पक्षात कोणतीही जबाबदारी मिळाली नसल्याने पोहित पवार नाराज असल्याची चर्चा जोरदार रंगताना दिसत आहे.
Eknath khadse : केंद्रीय मंत्री रक्षा खडसे यांच्या मुलीची छेडछाड, एकनाथ खडसेंचा मोठा गाैप्यस्फोटरोहित पवार पक्षात नाराज?
शरद पवार हे आपल्या पक्षाला उभारी देण्याचे काम करत आहे. मात्र, रोहित पवार यांना कोणतीही जबाबदारी देण्यात आली नाहीये. विधानसभा आणि लोकसभा निवडणुकीत पक्षाचे जोरदार काम रोहित पवार यांनी केले. या दोन्ही निवडणुकांनंतर रोहित पवार यांच्या खांद्यावर महत्वाची जबाबदारी असेल अशी एक चर्चा होती. मात्र, त्यांच्यावर कोणत्याही प्रकारची जबाबदारी ही देण्यात आली नाहीये.
पक्षाच्या बैठकीला अनुपस्थित रोहित पवार
दोन दिवसांपूर्वी पक्षाची महत्वाची बैठक झाली आणि या बैठकीला रोहित पवार हे अनुपस्थित होते. शनिवारी रात्री त्यांनी कुटुंबियांसोबत छावा चित्रपट बघितला आणि अशाप्रकारची पोस्ट शेअर केली. सध्या पक्षामध्ये सुरू असलेल्या घडामोडींच्या पार्श्वभूमीवरच रोहित पवार यांनी ही पोस्ट शेअर केल्याचे सांगितले जातंय. आता खरोखरच रोहित पवार हे नाराज आहेत का? कळेल. अजित पवार आणि रोहित पवार यांची काही दिवसांपूर्वीच भेट झाली होती.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा