Nashik ACB: सन २०२३ मध्ये अधीक्षक शर्मिष्ठा वालावलकर यांनी पदभार स्वीकारल्यापासून अनेक मोठ्या अधिकाऱ्यांवर सापळा रचून कारवाई केल्याने नाशिकच्या पथकांचे राज्यभरात कौतुक झाले.
गृह विभागाने यासंदर्भात निर्णय घेतला असून, अमरावती परिक्षेत्रात लाचखोरीचे प्रमाण कमी असल्याने तेथील अप्पर अधीक्षक दर्जाचे पद नाशिक परिक्षेत्रात वर्ग करण्यात आले आहे. त्यामुळे नाशिक परिक्षेत्रात आता एक अधीक्षक, दोन अप्पर अधीक्षक, पाच उपअधीक्षकांसह १८ पोलिस निरीक्षकांची फौज लाचखोरी रोखण्याचे काम करणार आहे. नाशिक लाचलुचपत प्रतिबंध विभागाने (एसीबी) दोन-अडीच वर्षांत अनेक गैरव्यवहार उघड केले आहेत. सन २०२३ मध्ये अधीक्षक शर्मिष्ठा वालावलकर यांनी पदभार स्वीकारल्यापासून अनेक मोठ्या अधिकाऱ्यांवर सापळा रचून कारवाई केल्याने नाशिकच्या पथकांचे राज्यभरात कौतुक झाले. त्यामध्ये भूमी अभिलेख, सहकार विभाग, महसूल व शिक्षण विभागातील मोठ्या अधिकाऱ्यांना अटक करण्यात आली. या सर्व कारवायांनुसार नाशिकचा लाचखोरीत राज्यात पहिला क्रमांक असल्याचे अधोरेखित झाले.
आता नव्या लालपरींमध्येही CCTV, GPSची सुविधा; ३००० बसगाड्यांसाठी मोठा निर्णय
दरम्यान, ‘एसीबी’च्या अमरावती परिक्षेत्रातील गुन्ह्यांची संख्या नाशिक परिक्षेत्राच्या तुलनेत कमी आहे. नाशिक परिक्षेत्रात नाशिक, अहिल्यानगर, धुळे, जळगाव, नंदुरबार असे विस्तृत कार्यक्षेत्र असून, तेथे शासकीय कार्यालयांची संख्या अधिक आहे. त्यामुळे शासकीय अधिकारी, कर्मचारी व लाचखोरीचे प्रमाणही अमरावतीच्या तुलनेत अधिक आहे. मात्र, तरीही अमरावती येथे अप्पर पोलिस अधीक्षक दर्जाची दोन पदे मंजूर आहेत. नाशिकमध्ये गुन्ह्यांची संख्या अधिक असून, अप्पर पोलिस अधीक्षक दर्जाचे एक पद मंजूर आहे. त्यामुळे अमरावती येथील अप्पर अधीक्षक दर्जाचे एक पद नाशिक ‘एसीबी’कडे वर्ग करण्यात येत आहे. परिणामी नाशिकमध्ये लाचखोरी रोखण्याच्या कामाचा वेग वाढण्याची शक्यता आहे. दरम्यान , नाशिक परिक्षेत्रात दोन अप्पर अधीक्षक नियुक्तीनंतर सापळे कारवाई, दोषारोप दाखल करणे व इतर कामकाजात अधिक सुसूत्रता येण्याची चिन्हे आहेत.
सन २०२५ मध्ये आतापर्यंत राज्यात ११७ सापळे, १७१ संशयित
सन २०२४ मध्ये राज्यात ६८३ सापळ्यांत एक हजार दोन संशयित
राज्यात सन २०२४ मध्ये अपसंपेदेचे ३१ गुन्हे, ६१ संशयित
सन २०२४ मध्ये नाशिकमध्ये १५१ गुन्ह्यांत २१९ संशयित
सन २०२४ मध्ये अमरावतीत ६६ गुन्ह्यांत ९३ संशयित
सन २०२३ मध्ये नाशिकमध्ये १६१ सापळे, अमरावतीत ८६
सन २०२२ मध्ये नाशिकमध्ये १२६ सापळे, अमरावतीत ६४
सन २०२१ मध्ये नाशिकमध्ये १२९ सापळे, अमरावतीत ७२
सन २०२० मध्ये नाशिकमध्ये १०० सापळे, अमरावतीत ८५
मनुष्यबळाची स्थिती…
परिक्षेत्र, मंजूर मनुष्यबळ
नाशिक— १ अधीक्षक, १ अप्पर अधीक्षक, ५ उपअधीक्षक, १८ निरीक्षक
अमरावती —१ अधीक्षक, १ अप्पर अधीक्षक, ७ उपअधीक्षक, ११ निरीक्षक
छत्रपती संभाजीनगर— १ अधीक्षक, १ अप्पर अधीक्षक, ८ उपअधीक्षक, १६ निरीक्षक
बृहन्मुंबई— १ अतिरिक्त आयुक्त, २ अप्पर आयुक्त, १९ सहाय्यक आयुक्त, २७ निरीक्षक
नागपूर— १ अतिरिक्त अधीक्षक, १ अधीक्षक, २ अप्पर अधीक्षक, ८ उपअधीक्षक, १८ निरीक्षक
नांदेड— १ अधीक्षक, १ अप्पर अधीक्षक, ७ उपअधीक्षक, १४ निरीक्षक
पुणे— १ अधीक्षक, २ अप्पर अधीक्षक, ९ उपअधीक्षक, १७ निरीक्षक
ठाणे— १ अधीक्षक, ३ अप्पर अधीक्षक, ९ उपअधीक्षक, १७ निरीक्षक 
महिलांना मोठा दिलासा! महामार्गावर आता प्रत्येक २५ किमीवर स्वच्छतागृह, बचत गटांना देखभालीची संधी
‘एसीबी’चे परिक्षेत्र अन् विभाग
■ बृहन्मुंबई : बृहन्मुंबई विभाग
■ ठाणे : ठाणे, नवी मुंबई, पालघर, रायगड-अलिबाग, रत्नागिरी, सिंधुदुर्ग
■ नाशिक : नाशिक, धुळे, जळगाव, नंदुरबार, अहिल्यानगर
■ पुणे : पुणे, सातारा, सोलापूर, कोल्हापूर, सांगली
■ नागपूर : नागपूर, भंडारा, वर्धा, चंद्रपूर, गडचिरोली, गोंदिया
■ छत्रपती संभाजीनगर: छत्रपती संभाजीनगर, बीड, धाराशिव, जालना
■ नांदेड : नांदेड, परभणी, लातूर, हिंगोली
■ अमरावती : अमरावती, अकोला, बुलढाणा, यवतमाळ, वाशिम
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा