Washim Crime News : वाशिममध्ये एकाच दिवशी दोन अल्पवयीन मुलींवर अत्याचार झाल्याच्या घटना समोर आल्या आहेत. एका १६ वर्षीय मुलीला चाकूचा धाक दाखवून तिच्यावर अत्याचार केला, तर आइस्क्रीम आणण्यासाठी गेलेल्या ७ वर्षीय चिमुरडीचा विनयभंग केल्याची धक्कादायक घटना समोर आली आहे.
Solapur News : शर्टाने हात-पाय बांधले, हत्या करुन उसाच्या शेतात पुरलं, सोलापुरात भयंकर घडलं; पोलिसांनी असं उकललं हत्येचं गूढ स्वारगेट येथील अत्याचाराची भीषण घटना ताजी असतानाच वाशिम जिल्ह्यातील दोन अल्पवयीन मुलींवर अत्याचार करण्यात आल्याची घटना समोर आली आहे. रिसोड शहरात कॉम्प्युटर क्लासवरुन घरी जाणाऱ्या १६ वर्षीय मुलीजवळ एक अनोळखी व्यक्ती आला. त्याने सांगितले की, मी तुझ्या वडिलांचा मावस भाऊ आहे. तुझे मामा मला ओळखतात, तू माझ्या घरी चल, माझी मुलगी तुला भेटण्यासाठी इच्छुक आहे, अशा प्रकारे तिला फूस लाऊन तिला ऑटो रिक्षातून रिसोड वाशिम मार्गावरील वाकद शेतशीवरच्या निर्जनस्थळी घेऊन गेला. तिथे तरुणीला चाकूचा धाक दाखवून ४५ वर्षीय नराधमाने अत्याचार केला आहे. अत्याचार करून मुलीला घटनास्थळी सोडून आरोपी फरार झाला आहे. अशा फिर्यादीवरून रिसोड पोलिसांनी गुन्हा दाखल केला आहे.
Ratnagiri News : दोन दिवसांपासून बोलणं नाही, पोलिसांना मोबाइल लोकेशनमुळे समजली भीषण दुर्घटना; रत्नागिरीत मायलेकाचा मृत्यूरिसोड येथील अत्याचार घटनेतील नराधम आरोपी फरार असून सीसीटीव्ही फुटेजच्या मदतीने त्याचा शोध सुरू आहे. आरोपीचा शोध घेण्यासाठी आठ पोलीस पथकं रवाना झाल्याची माहिती पोलीस अधिकाऱ्यांनी दिली आहे.
Washim News : आधी पुणे आता वाशिम; क्लासवरुन घरी जाताना हेरलं, चाकूचा धाक दाखवत अल्पवयीन मुलीसोबत नको ते केलं
दुसरीकडे अकोला नाका परिसरातील एका १९ वर्षीय किराणा दुकानदाराने आइस्क्रीम आणण्यासाठी गेलेल्या ७ वर्षाच्या चिमुरडीचा विनयभंग केला. आइस्क्रीम आणण्यासाठी गेलेली मुलगी बराच वेळ घरी परतली नसल्याने तिच्या पालकांनी तिचा शोध घेतला. त्यावेळी चिमुकली अतिशय घाबरलेल्या अवस्थेत ती दुकानात आढळून आली. त्यानंतर पोलीस तक्रार करण्यात आली. फिर्यादीवरून विनयभंग करणाऱ्या कलश छाबडा या तरुणाला वाशिम पोलिसांनी अटक केली. त्यानंतर त्याला न्यायालयात हजर केले असता दोन दिवसांची पोलीस कोठडी सुनावण्यात आली.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा