पुण्यातील स्वारगेट बस स्थानकात घडलेल्या प्रकरणाने राज्यात खळबळ उडाली आहे. त्यात गृहराज्यमंत्री योगेश कदम यांनी केलेल्या वक्तव्यावरूनही नवा वाद निर्माण झालाय. यासंदर्भात माध्यमांनी मुख्यमंत्री देवेंद्र फडणवीस यांना विचारणा केली असता त्यांनी कदम यांना सल्ला दिला. अशा घटनांबाबत बोलताना कोणत्याही मंत्री आणि प्रतिनिधींनी संवेदनशीलतेने वक्तव्य करावे, असा सल्ला मुख्यमंत्र्यांनी दिला.
