मस्साजोगकरांच्या अन्नत्याग आंदोलनाचा आज दुसरा दिवस

संतोष देशमुख यांच्या हत्या प्रकरणातील तपासाबाबत प्रश्नचिन्ह उपस्थित करत ग्रामस्थांनी अन्नत्याग आंदोलन सुरू केले. आज आंदोलनाचा दुसरा दिवस असून संतोष देशमुख यांच्या प्रतिमेला अभिवादन करत या दुसऱ्या दिवसाच्या आंदोलनाचा प्रारंभ करण्यात आला. जोपर्यंत मागण्यांविषयी आश्वासन मिळत नाही, जबाबदार अधिकारी आंदोलन स्थळी भेट देऊन आश्वासन देत नाहीत तोपर्यंत आंदोलन मागे न घेण्याचा निर्धार ग्रामस्थांनी केला असून, वेळप्रसंगी पाणीही न घेण्याचा इशारा देशमुख कुटुंबियांनी दिला. आता आज या ठिकाणी अधिकारी भेट देतात का आणि या आंदोलनाच्या मागण्याविषयी सकारात्मकता दाखवत त्या दिशेने पावले उचलतात का हे पाहणे महत्त्वाचे ठरणार आहे.