त्र्यंबकेश्वर देवस्थान ट्रस्टने महाशिवरात्र उत्सवात अभिनेत्री प्राजक्ता माळी यांचा ‘शिवार्पणमस्तु’ हा नृत्याचा कार्यक्रम आयोजित केला होता. त्यावर, माजी विश्वस्त ललिता शिंदे यांनी आक्षेप घेतला होता. या वादाच्या संदर्भात भारतीय पुरातत्व सर्वेक्षण विभागाच्या छत्रपती संभाजीनगर मंडलाच्या अधीक्षकांनीही ट्रस्टच्या अध्यक्षांना पत्र देऊन अशा प्रकारचे सांस्कृतिक कार्यक्रम आयोजित करण्यापूर्वी पुरातत्त्व सर्वेक्षण खात्याची अनुमती घेणे आवश्यक असल्याचे म्हटले होते.
Dinesh Pardeshi : मातोश्रीवर धूमधडाक्यात प्रवेश, शिवसेनेला नडले, सहाच महिन्यात ठाकरेंना धक्का, बड्या नेत्याची भाजपात घरवापसी
अशा प्रकारे विनापरवानगी सांस्कृतिक कार्यक्रम आयोजित करणे हे एएमएएसआर कायदा, १९५८ व त्याचे नियम, १९५९ चे उल्लंघन असल्याचे पत्रात नमूद होते. त्याबाबत संचालनालय, पुरातत्व सर्वेक्षण विभाग, नवी दिल्ली यांच्याकडे परवानगीसाठी संपर्क करावा, असे सूचित करण्यात आले आहे. अशा प्रकारच्या सांस्कृतिक कार्यक्रमांदरम्यान स्मारकात जास्त गर्दी होऊन कायदा व सुव्यवस्थेचा प्रश्न निर्माण होण्याची शक्यताही त्यात व्यक्त करण्यात आली आहे.

या वादाच्या पार्श्वभूमीवर देवस्थान ट्रस्ट मात्र प्राजक्ता माळीच्या कार्यक्रमावर ठाम आहे. सर्व कार्यक्रम ठरवल्याप्रमाणे होतील, त्यात कोणताही बदल करण्यात आलेला नाही, असे त्यांनी म्हटले आहे. धार्मिक कार्यक्रमांबरोबर सांस्कृतिक कार्यक्रमांचेही आयोजित करण्यात आले आहे. आज, पालखीदरम्यान शिवतांडव ग्रुपतर्फे अघोर नृत्याचे सादरीकरण, सायंकाळी नटरंग अकॅडमी प्रस्तुत अभिनेत्री प्राजक्ता माळी हिचा ‘शिवार्पणमस्तू’ नृत्याचा कार्यक्रम होणार आहे. उद्या, गुरुवारी ओम नटराज अकॅडमी व दीक्षीत यांचे सांस्कृतिक कथक नृत्य सादर होणार आहे.
Pune News : पुण्याबाबत देवेंद्र फडणवीसांची मोठी घोषणा, दोनच आठवड्यात नगरविकास खात्याकडून वाटाण्याच्या अक्षता
कार्यक्रमावरून वाद उद्भवल्यानंतर अभिनेत्री प्राजक्ता माळी हिने एक व्हिडीओ प्रसारित करून आपली भूमिका स्पष्ट केली. त्यात ‘नटराज हे भगवान शिवाचे रूप आहे. नृत्यकलाकारांचे ते आराध्य दैवत आहे. त्र्यंबकेश्वर मंदिरात होणारा कर्यक्रम हा संपूर्णपणे शास्त्रीय संगीतावर आधारित भरतनाट्यम नृत्यप्रकार असून, गैरसमज नको,’ असे त्यात करण्यात आले आहे.