न्यू इंडिया बँकेतील १२२ कोटी रुपयांच्या अफरातफर प्रकरणात आर्थिक गुन्हे शाखेने तत्कालीन सीईओ अभिमन्यू भोनला अटक केली आहे. अभिमन्यूच्या कार्यकाळात माजी महाव्यवस्थापक हितेश मेहताने कोट्यवधींची अफरातफर केली होती. या प्रकरणाचा तपास अजूनही सुरू आहे आणि आणखी काही लोकांची चौकशी देखील केली जात आहे.
न्यू इंडिया बँकेत कोट्यवधी रुपयांची अफरातफर
न्यू इंडिया बँकेच्या महाव्यवस्थापक आणि अकाउंट्स विभागाचे प्रमुखपदाची जबाबदारी असताना हितेश मेहता याने आपल्या पदाचा गैरवापर करत बँकेच्या प्रभादेवी आणि गोरेगाव कार्यालयातील तिजोरीत ठेवलेल्या १२२ कोटी रुपयांचा अपहार केले. बँकेचे मुख्य कार्यकारी अधिकारी देवर्शी घोष यांनी दिलेल्या तक्रारीवरून बँकेतील आर्थिक अनियमिततेबाबत गुन्हा दाखल करण्यात आला.प्रकरणाची व्याप्ती मोठी असल्याने या प्रकरणाचा तपास आर्थिक गुन्हे शाखेकडे देण्यात आला.
New India Co-op Bank: न्यू इंडिया सहकारी बँकेच्या ठेवीदारांना दिलासा! निर्बंधानंतर RBI घेणार मोठा निर्णय, तुमचे पैसे…हितेश मेहता, बांधकाम व्यावसायिक धर्मेश पौन यांना अगोदरच अटक
आर्थिक गुन्हे शाखेच्या पथकाने या प्रकरणाचा तपास करीत हितेश मेहता, बांधकाम व्यावसायिक धर्मेश पौन या दोघांना अटक केली. १२२ कोटींपैकी ७० कोटी धर्मेशला दिल्याचे मेहता याने सांगितले. मात्र इतकी रक्कम दिली नसल्याचे धर्मेशचे म्हणणे आहे. मेहता याच्या संपर्कातील काही जणांचा यामध्ये सहभाग असल्याचे तपासामध्ये आढळून आले. याबाबत जबाबदार पदावर असूनही कल्पना नसल्याचे सांगणाऱ्या तत्कालीन सीइओ अभिमन्यू याची आर्थिक गुन्हे शाखेच्या पथकाने कसून चौकशी करून केली.
सीईओ अभिमन्यू भोन याच्या अडचणीत मोठी वाढ
काही तास सीइओ अभिमन्यू भोन याची चाैकशी सुरू होती. त्यानंतर त्याच्यावर अटकेची कारवाई करण्यात आली. आता सीईओ अभिमन्यू भोन याच्या अडचणीत मोठी वाढ झालीये. न्यू इंडिया बँकेतील १२२ कोटी रुपयांच्या अफरातफरनंतर मोठा गोंधळ बघायला मिळाला. हेच नाही तर याबद्दल कळताच अनेकांनी थेट बँकेकडे धाव घेतली होती. अजूनही आर्थिक गुन्हे शाखेची कारवाई सुरूच आहे. अनेकांची चाैकशी देखील केली जात आहे.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा