Vande Bharat Express: मुंबई सेंट्रल ते अहमदाबाद वंदे भारत एक्स्प्रेसमध्ये मराठी वृत्तपत्र मिळत नसल्याने प्रवाशांनी तीव्र नाराजी व्यक्त केली आहे. विशेष म्हणजे, या एक्स्प्रेसमध्ये गुजराती, इंग्रजी, हिंदी वर्तमानपत्र मोफत उपलब्ध असताना मराठी वर्तमानपत्रांना स्थान का नाही, असा प्रश्नही प्रवाशांकडून उपस्थित करण्यात येत आहे.
शताब्दी, राजधानी श्रेणीतील रेल्वेगाड्यांमध्ये राष्ट्रीय आणि स्थानिक भाषेतील वर्तमानपत्र प्रवाशांना मोफत वाचवण्यासाठी उपलब्ध करून देण्याचे भारतीय रेल्वेचे धोरण आहे. या धोरणानुसार वंदे भारत एक्स्प्रेसमध्ये केवळ इंग्रजी भाषेतील वर्तमानपत्र वाचण्यासाठी प्रवाशांना देण्यात येतात. मुंबईसह महाराष्ट्राची भाषा मराठी असून रेल्वेगाड्यांमध्ये मराठी वर्तमानपत्रानांच स्थान मिळत नाही.
पालकमंत्रिपद हुकणार? कृषिमंत्री माणिकराव कोकाटेंच्या शिक्षा प्रकरणाने राष्ट्रवादी ‘बॅकफूट’वर
मुंबई सेंट्रल ते अहमदाबाद वंदे भारत एक्स्प्रेसमध्ये केवळ इंग्रजी वर्तमानपत्र वाचण्यासाठी उपलब्ध आहेत. दोन इंग्रजी वर्तमानपत्रे उपलब्ध असतात. मात्र, मराठी वर्तमानपत्रांबाबत रेल्वेगाडीतील संबंधितांना विचारणा केली असता त्यांनी समाधानकारक उत्तर दिले नाही, असे प्रवाशांनी ‘मटा’कडे सांगितले. गेल्या महिन्यात मुंबई सेंट्रल ते अहमदाबाद शताब्दी एक्स्प्रेसमध्ये इंग्रजी आणि गुजराती भाषेतील वर्तमानपत्रे प्रवाशांना उपलब्ध करून देण्यात आली होती. मुंबईहून सुटणाऱ्या रेल्वेगाडीमध्ये मराठी भाषा वगळून गुजराती भाषेत वर्तमानपत्रांचे वाटप करण्यात आल्याने प्रवाशांनी रेल्वेच्या कारभारावर तीव्र आक्षेप नोंदवला होता. याबाबतची तक्रार रेल्वेमंत्री अश्विनी वैष्णव आणि मुख्यमंत्री देवेंद्र फडणवीस यांच्याकडे केली होती.
Jitendra Awhad: अजित पवार हे सारे थांबवा, अजून किती घरं…; पक्षप्रवेशाच्या नाट्यावरुन जितेंद्र आव्हाड भडकले
‘सर्वच रेल्वेगाड्यांमध्ये सुविधा हवी’
देशात धावणाऱ्या रेल्वेगाड्यांमध्ये त्या-त्या राज्यात तेथील स्थानिक भाषांची वर्तमानपत्रे प्रवाशांना वाचण्यासाठी उपलब्ध केली जातात. शताब्दी एक्स्प्रेसमध्ये इंग्रजी आणि गुजराती वर्तमानपत्रे, वंदे भारतमध्ये दोन इंग्रजी वर्तमानपत्रे, अशी अनेक उदाहरणे आहेत. यावरून मुंबईसह राज्यात मात्र मराठी वर्तमानपत्रांना दुय्यम स्थान देण्यात येत असल्याचे वास्तव अधोरेखित होते. विमानात मराठी वृत्तपत्र प्रवाशांना देण्यात येते. वंदे भारत, राजधानी, शताब्दी, तेजस अशा सर्वच रेल्वेगाडयांमध्ये प्रवाशांना वाचण्यासाठी मोफत मराठी वर्तमानपत्र मिळायलाच हवी, अशी भूमिका मराठी एकीकरण समितीचे राज्य उपाध्यक्ष आनंदा पाटील यांनी मांडली
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा