New India Cooperative Bank Crisis : डीआयसीजीसीने दिलेल्या मार्गदर्शक तत्त्वांनुसार आणि दिलेल्या प्रारूप आराखड्यानुसार ठेवीदांरानी आपल्या ठेवी परत मिळवण्यासाठी अर्ज करून तो बँकेकडे द्यायचा आहे.
यानुसार, डीआयसीजीसीने दिलेल्या मार्गदर्शक तत्त्वांनुसार आणि दिलेल्या प्रारूप आराखड्यानुसार ठेवीदांरानी आपल्या ठेवी परत मिळवण्यासाठी अर्ज करून तो बँकेकडे द्यायचा आहे. या अर्जासोबत आवश्यक ती कागदपत्रे द्यावी लागणार आहेत. तसेच संबंधित ठेवीदाराने डीआयसीजीसीकडून मिळणारी रक्कम जमा करण्यासाठी त्याचा दुसरा बँक खातेक्रमांक देणेही आनिवार्य आहे. हे खाते आधारसंलग्न असणे गरजेचे आहे.
हा अर्ज देण्याची अंतिम तारीख ३० मार्च २०२५ ही आहे. या अर्जांतून पात्र अर्ज निवडून त्यांना १४ मे २०२५पासून अदायगी केली जाईल, असेही डीआयसीजीसीने आपल्या निवेदनात वेबसाइटवर नमूद केले आहे.
Ladki Bahin : लाडकी बहीण लाभार्थ्यांना आणखी एक गाळणी, २.६३ लाख महिला कात्रीत, फेब्रुवारीचा हप्ता कधी?
याआधी, लाखो खातेदार असलेल्या न्यू इंडिया को-ऑपरेटिव्ह बँकेत १२२ कोटी रुपयांचा गैरव्यवहार केल्याप्रकरणी बँकेचा माजी महाव्यवस्थापक हितेश मेहता याला अटक करण्यात आली. त्याच्याशिवाय आणखी एका आरोपीच्या मुसक्या आर्थिक गुन्हे शाखेने आवळल्या आहेत. धर्मेश पौन असे त्याचे नाव असून, तो बांधकाम व्यवसायिक आहे.
हितेश मेहताने बँकेतून काढलेल्या रकमेपैकी सुमारे ७० कोटी रुपये धर्मेशला दिल्याचे समोर आले आहे. दोन्ही आरोपींना न्यायालयाने २१ फेब्रुवारीपर्यंत पोलिस कोठडी सुनावली आहे.
New India Co Op Bank Scam : न्यू इंडिया बँक खातेदारांना दिलासा मिळण्याची चिन्हं, पाच लाखांपर्यंत ठेवींना विमा संरक्षण, पण…
दोन बँकांचे फसवणूक प्रकरण
दरम्यान, बँक फसवणूक प्रकरणात सक्तवसुली संचालनालयाने (ईडी) सोमवारी मुंबईतील १२ ठिकाणी छापेमारी केली. प्रिव्हेन्शन ऑफ मनी लाँडरिंग कायदा (पीएमएलए), २००२अंतर्गत रियाल्टो एक्झिम प्रायव्हेटविरुद्ध सुरू असलेल्या चौकशीचा भाग म्हणून ईडीने कारवाई केली . छापेमारीत स्थावर मालमत्तेसह बँक निधी आणि विविध कागदपत्रे जप्त करण्यात आली आहेत.
New India Co-operative Bank : आमचे हे गेले, मी सगळे पैसे न्यू इंडिया सहकारी बँकेत भरले, आता माझं बरं-वाईट… खातेदार भाववश
सेंट्रल बँक ऑफ इंडिया आणि बँक ऑफ इंडियाची १४२.७२ कोटी रुपयांची फसवणूक केल्याबद्दल सीबीआयने रियाल्टो एक्झिम प्रायव्हेट लिमिटेड आणि इतरांविरुद्ध भ्रष्टाचार प्रतिबंधक कायदयासह विविध कलमांतर्गत फसवणुकीचा गुन्हा दाखल केला आहे. रियाल्टो एक्झिम प्रायव्हेट लिमिटेड ही पुष्पक ग्रुपशी संबंधित संस्था आहे. कोणत्याही व्यवसायाशिवाय पुष्पक ग्रुपच्या संबंधित संस्थांमध्ये गुंतवणुकीचे व्यवहार करण्यात आले. रियाल्टो आणि पुष्पक समुहामध्ये ५०० कोटीं रुपयांपेक्षा जास्त व्यवहार झाल्याचे पुरावे आहेत.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा