शिवसेनेच्या आमदार आणि नेत्यांचा वाय दर्जाची सुरक्षा देण्यात आली होती. आता त्यात कपात करण्यात आलेली आहे. शिवसेनेसोबतच भाजप आणि राष्ट्रवादी काँग्रेसच्या काही नेत्यांची सुरक्षादेखील कमी करण्यात आलेली आहे. ज्यांच्या जीवाला कोणताही धोका नाही, अशा शिवसेना नेत्यांची सुरक्षा कमी करण्यात आलेली आहे. मात्र यावरुन सेनेच्या नेत्यांमध्ये नाराजी आहे. त्यामुळे आता यावरुन पुन्हा एकदा नाराजीनाट्य सुरु होण्याची शक्यता आहे.
राज्यात धुसफूस, शिंदेंचा नॅशनल प्लान ऍक्टिव्ह; शक्तिप्रदर्शनासाठी मोठा दौरा, भाजपला इशारा?
राज्यातील व्हीआयपी सुरक्षेचा आढावा घेण्यात आला. त्यानंतर ज्या नेत्यांच्या जीवाला धोका नाही, त्यांची सुरक्षा कमी करण्याचा निर्णय झाला. शिंदेंच्या शिवसेनेसह भाजप, राष्ट्रवादी काँग्रेसच्या नेत्यांची सुरक्षा कमी करण्यात आलेली आहे. भाजप नेते रविंद्र चव्हाण, प्रताप चिखलीकर यांच्यासह अनेकांनी सुरक्षा कमी करण्यात आलेली आहे.

शिवसेना नेत्यांना सुरक्षा कपातीच्या निर्णयाचा सर्वाधिक फटका बसणार आहे. शिवसेना शिंदे गटाच्या आमदारांना याआधी वाय दर्जाची सुरक्षा होती. या आमदारांच्या पुढे-मागे पोलिसांची वाहनं असायची. तसंच आमदारांच्या घराबाहेरही पोलीस सुरक्षा असायची. ही सगळी सुरक्षा आता कमी करण्यात आलेली आहे. नव्या निर्णयानंतर शिंदेंच्या आमदारांच्या वाहनांच्या मागे, पुढे आता पोलिसांच्या कमी गाड्या असतील. तसंच त्यांच्या घराबाहेरील पोलीस बंदोबस्तही कमी करण्यात येणार आहे.
नितीश बाबूंचा शिंदे करण्याचा प्लॅन भाजपनं गुंडाळला? मोदींच्या सहकाऱ्याकडून संकेत, काय घडतंय?
नव्या नियमानुसार शिंदेंच्या आमदारांसोबत आता केवळ एकच सुरक्षा रक्षक असेल. याबद्दल शिंदेंच्या आमदारांमध्ये संतापाची भावना आहे. सरकारी सुरक्षेचा लवाजमा घेऊन फिरणाऱ्या आमदारांना आता केवळ एका पोलिसासह फिरावं लागणार आहे. शिवसेनेतील फुटीनंतर एकनाथ शिंदे मुख्यमंत्री झाले. तेव्हा त्यांच्यासोबत ठाकरेंची साथ सोडणाऱ्या आमदारांना वाय दर्जाची सुरक्षा दिली गेली. शिंदे मुख्यमंत्री असताना ही सुरक्षा कायम राहिली. पण आता फडणवीसांनी ती सुरक्षा कमी केली आहे.