रत्नागिरी येथे आयोजित जाहीर आभार सभेत ते बोलत होते. सभेपूर्वी ठाकरे गटाचे माजी आमदार सुभाष बने, जिल्हाप्रमुख विलास चाळके, माजी जिल्हा परिषद बाळशेठ जाधव, प्रशांत सुर्वे, तालुकाप्रमुख संदीप सावंत यांच्यासह शेकडो कार्यकर्त्यांनी शिवसेनेत प्रवेश केला.
भिकारीही एक रुपया घेत नाही, आम्ही पीकविमा देतो; माणिकराव कोकाटे यांचं वादग्रस्त विधान
‘पक्षात कोणी चांगले काम केले की, त्याचे खच्चीकरण करण्याचे काम काहीजणांनी पूर्वी केले. तो अनुभव रामदास कदम, नारायण राणे आणि मी देखील घेतला. आमच्यासारख्या कार्यकर्त्यांनी घरादारांवर तुळशीपत्र ठेवून अंगावर केसेस घेतल्या म्हणून शिवसेना मोठी झाली. मात्र धनुष्यबाण आणि शिवसेना गहाण टाकण्याचे पाप तुम्ही केले होते, तो धनुष्यबाण सोडवण्याचे काम एकनाथ शिंदे यांनी केले. तरीही आरोप थांबत नाहीत. कारण सुंभ जळाला तरी पीळ जात नाही. जनता जनार्दनाने लोकशाहीचा अवतार घेऊन कोकण भूमीत शंकासूर गाडला,’ असे उपमुख्यमंत्री शिंदे म्हणाले.
एअरगनशी मस्ती, अशोक सराफ यांच्या इमारतीला गोळी धडकली, ओशिवऱ्यात काय घडलं?
‘अडीच वर्ष खोक्यांवरुन ते आमच्यावर आरोप करत राहिले. पण निवडणुकीत त्याच खोक्यांमध्ये जनतेने तुम्हाला बंद करुन टाकले. त्यांचा अजेंडा राजनीती आहे, तर आमचा विकासनीती आहे. त्यांचा अजेंडा ‘करप्शन फर्स्ट’, तर आमचा ‘नेशन फर्स्ट’ आहे,’ असे म्हणत, ‘महाराष्ट्रात होती दाढी म्हणून उद्ध्वस्त झाली महाराष्ट्र विरोधी आघाडी आणि सुरु झाली विकासाची गाडी,’ असा टोला शिंदे यांनी लगावला. ‘महादजी शिंदे राष्ट्र गौरव पुरस्काराने माझा गौरव झाला, तर त्यावरही टीका केली. अमेरिकेचे राष्ट्राध्यक्ष डोनाल्ड ट्रम्प यांनी पंतप्रधान नरेंद्र मोदी यांचा महान नेते म्हणून गौरव केला. मात्र पंतप्रधान आणि गृहमंत्र्यांवर तुम्ही टीका करता. कुणाची रेषा कापून मोठे होऊ शकत नाही, तुम्हाला त्याहून मोठे काम करावे लागेल,’ असे उपमुख्यमंत्री शिंदे म्हणाले.