आगामी काळात ठाकरेंची अर्धी सेना शिंदे गटात असेल असे विधान गुलाबराव पाटलांनी केले. महाराष्ट्रात ऑपरेशन टायगर यशस्वी होताना दिसतंय असेही गुलाबराव म्हणाले. नेतृत्व वेळ देत नाही त्यामुळे ठाकरेंचे बरेच खासदार शिवसेनेत येतील असा त्यांचा दावा आहे. तर ‘काँग्रेस पुन्हा जोमाने काम करेल’ या विजय वडेट्टीवारांच्या विधानावरूनही त्यांनी टोला लगावला. काँग्रेसचा जोम कधी येणार पाहावं लागेल, असं म्हणत गुलाबरावांनी काँग्रेसची खिल्ली उडवली.