एकनाथ शिंदे यांची शाब्दिक फटकेबाजी

“पुरस्कार ज्यांच्या नावे आहे ते आहेत महापराक्रमी महादशी शिंदे. तुम्ही मला पुरस्कार दिलात तो मी आहे एक कार्यकर्ता एकनाथ शिंदे, आणि इथे पुरस्कार देताना उपस्थित आहेत ज्योतिरादित्य शिंदे. ज्यांनी मला हा पुरस्कार दिला त्यांचे आडनाव पवार असलं तरी देशाचे थोर क्रिकेटपटू सदाशिव शिंदे यांचे ते जावई आहेत. शेवटी शिंदे सगळे आले. सदाशिव शिंदे भारताचे स्पिन बॉलर होते. त्यांची गुगली भल्याभल्यांना कळत नव्हती. फलंदाज कधी क्लीन बोल्ड व्हायचा कळायचं देखील नाही. पवार साहेबांची देखील राजकारणातील गुगली सुद्धा अनेकांना कळत नाही. कधीकधी बाजूला बसलेल्या लोकांची किंवा बसवलेल्या लोकांची गुगली समजत नाही. पण मी माझ्याबद्दल थोडं वेगळं सांगतो. माझे आणि पवार साहेबांचे प्रेमाचे आणि जिव्हळ्याचे संबंध आहेत. त्यांनी आजवर मला कधी गुगली टाकली नाही. यापुढेही टाकणार नाहीत, असा विश्वास आहे”, अशी शाब्दिक फटकेबाजी एकनाथ शिंदे यांनी दिल्लीतल्या कार्यक्रमात केली.

शिंदे आणखी काय-काय म्हणाले?

“माझ्यासाठी हा एक आगळावेगळा पुरस्कार आहे. सर्वोप्रथम दिल्लीचे तख्त राखणारे महापराक्रमी महादजी शिंदे यांना वंदन करतो. खरं म्हणजे मला आज थोर सेनानी महानायक महादजी शिंदे राष्ट्रगौरव पुरस्कार प्रदान करण्यात आला आहे. त्याबद्दल मी सर्वांचे आभार मानतो. पुरस्कार, सन्मान हे विचारवंत, कलावंत आणि साहित्यिकांसाटी असतात. राजकारण्यांसाठी फार कमी असतात. राजकारण्यांना कमी दिले जातात. त्यामुळे हा पुरस्कार स्वीकारताना मनामध्ये संकोच होता. पण आपलं प्रेमही होतं की, ज्या जिव्हाळ्याने, प्रेमाने, आपुलकीने आपण हा पुरस्कार मला प्रदान केला त्याबद्दल मी धन्यवाद देतो”, असं एकनाथ शिंदे म्हणाले.

“महापराक्रमी महादजी शिंदे यांच्या नावाचा हा पुरस्कार आहे. त्यामुळे आणखी थोडं दडपण होतंच. पुरस्कार देवून इथे जो सन्मान दिलाय याबद्दल धन्यावद. पण या सन्मानामुळे येणारी जबाबदारी मोठी आहे याची जाणीव मला आहे. खरं म्हणजे जेव्हा एखाद्याच्या पाठीवर चांगलं काम केल्याची शाबासकी मिळते तेव्हा त्याच्यावरची आणखी जबाबदारी वाढते. त्या व्यक्तीला आणखी चांगलं काम करावं लागतं”, असं शिंदे म्हणाले.
महायुतीत नाराजीनाट्य! अजित पवार यांच्याकडून मोठा खुलासा, रायगडच्या डीपीडीसी बैठकीत शिवसेनेला खरंच वगळलं?
“शरद पवारांसारख्या ज्येष्ठ आणि जाणत्या नेत्याच्या हस्ते हा पुरस्कार मिळावा हा देखील एक भाग्याचा योग आहे. या पुरस्काराच्या निमित्ताने वेगवेगळे योग जुळून आले आहेत. महादजी शिंदे यांचं घराण हे सातारा जिल्ह्यातील कन्हेरखेड. या महापराक्रमी लढवय्यांच्या जन्मभूमीतच माझाही जन्म झालेला आहे. हे देखील मी माझं मोठं भाग्य समजतो”, असं देखील एकनाथ शिंदे म्हणाले.