बारामतीत आज एनडीके या ठेकेदाराच्या मद्यधुंद वाहन चालकाने बेजबाबदारपणे वाहन….चालवत एका नागरिकासह त्याच्या शाळकरी मुलीचा जीव धोक्यात घातल्याची घटना घडली आहे. या प्रकरणी संतप्त पालकाने बेजबाबदार प्रशासनाच्या विरोधात रस्त्यावरच ठिय्या आंदोलन केले.आज सकाळी शहरातील तीन हत्ती चौकातून भिगवण रोडने पालक योगेश नाळे हे आपल्या…वाहनावरून मुलीला शाळेत सोडण्यासाठी जात असताना नगरपालिकेच्या कचरा संकलन…करणाऱ्या वाहन चालकाने बेजबाबदारपणे वाहन चालवुन त्या वाहनाने नाळे यांना ओढत नेऊन नेले. सदरचा ठेकेदार वाहन चालक बेधुंद नशेत वाहन चालवत होता अशी माहिती नागरिकांनी दिली. तसेच तो नेहमी नशेतच वाहन चालवीत असतो असेही नागरिकांनी सांगितले.