Latur Crime News : लातूर शहरातील गुन्हेगारीचा आलेख दिवसेंदिवस वाढत चालल्याचे चित्र आहे. यातच शुक्रवारी एक धक्कादायक घटना समोर आली आहे. लातूर शहरातील नांदेड रिंग रोड परिसरात एका ३५ वर्षीय तरुणाची दगडाने ठेचून निर्दयीपणे हत्या करण्यात आली आहे.
लातूर शहरातील गरुड चौक ते बाबळगाव चौक दरम्यानच्या रिंग रोडवर दुकानासमोर झोपलेल्या इसमाच्या तरुणाच्या दगड मारून त्याला ठेचले. ज्यामध्ये त्याचा जागीच मृत्यू झाला आहे. इसम ३५ वर्षाचा असल्याचे समजते. पहाटेच्या सुमारास हा हत्या झाल्याचा प्राथमिक अंदाज पोलिसांकडून व्यक्त करण्यात येतो आहे.
दरम्यान मृत तरुणाची ओळख अद्याप पटलेली नाही. तर मृताशेजारी काही साहित्य आढळून आलेले नाही. नेमका हा खून कोणत्या कारणासाठी केला? याचे कारणही अद्याप समजू शकलेलं नाही, अशी माहिती पोलिसांनी दिली. ओळख पटल्यानंतरच या हत्याप्रकरणी धागेद्वारे हाती लागतील, असा अंदाज पोलिसांनी व्यक्त केला आहे. अज्ञात इसमाविरोधात कलम १०३ अ अंतर्गत गुन्हा नोंद करण्यात आला आहे.
मृताची ओळख पटवण्यासाठी पोलिसांकडून प्रयत्न
मृत तरुणाच्या खिशात कुठल्याही स्वरूपाचे ओळखपत्र नसल्यामुळे हा व्यक्ती कोण आहे. याबाबतीत अद्याप समजू शकलेले नाही. त्याची ओळख पटावी म्हणून विवेकानंद पोलीस ठाण्याचे पोलीस निरीक्षक आरुष पाटील यांनी आवाहन केले आहे. प्रत्येक पोलीस स्टेशन कडे मृत व्यक्तीचा फोटो पाठवण्यात आला आहे अशी माहिती पोलीस निरीक्षक आरुष पाटील यांनी दिली आहे.
आमदारांनी पालकमंत्र्यांसमोर गुन्हेगारी कमी होण्यासाठी केली मागणी
लातूर शहर विधानसभा मतदारसंघाचे आमदार अमित देशमुख यांनी जिल्हा नियोजन समितीच्या बैठकीत पालकमंत्र्यांसमोर लातूर शहरातील गुन्हेगारीचा पाढा वाचला होता. यानंतर लातूर शहरातील गुन्हेगारी आटोक्यात येण्यासाठी पालकमंत्र्यांनी आदेश दिले होते. मात्र लातूर शहरातील गुन्हेगारीचा आलेख दिवसेंदिवस वाढत चालला आहे. खून दरोडा का दारू या बाबींना आळा बसावा, अशी विनंती आमदार अमित देशमुख यांनी केली होती.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा