Shiv Sena UBT MPs to join Eknath Shinde : पक्षांतरबंदी कायद्याला हुलकावणी देण्यासाठी आवश्यक असलेली सहा खासदारांची मोट बांधण्यात शिवसेना नेते आणि उपमुख्यमंत्री एकनाथ शिंदे यांना यश आल्याचे चित्र आहे.
२०२२ मध्ये शिवसेनेत पडलेल्या फुटीनंतर अडीच वर्षांनी पुन्हा एकदा पक्षात राजकीय भूकंप होण्याचे संकेत मिळत आहेत. ठाकरे गटाचे सहा खासदार एकनाथ शिंदे यांच्या साथीला येणार असल्याचे वृत्त ‘एबीपी माझा’ वृत्तवाहिनीने विश्वसनीय सूत्रांच्या हवाल्याने दिले आहे.
एकनाथ शिंदे यांच्या शिवसेनेकडून ऑपरेशन टायगर आणि ऑपरेशन धनुष्यबाण राबवलं जाण्याची चर्चा होती. शिवसेना नेते आणि उद्योगमंत्री उदय सामंत यांनी काही आठवड्यांपूर्वीच ठाकरेंना पुन्हा हादरा बसण्याचे संकेत दिले होते. त्यानुसार लवकरच लोकसभेतील ठाकरेंच्या सहा शिलेदारांचा शिंदेंच्या सेनेत प्रवेश होणार असल्याची माहिती आहे.
ठाकरेंच्या ‘मशाल’ चिन्हावर नऊ जण लोकसभेत निवडून आले होते, त्यापैकी दोन तृतीयांश म्हणजेच सहा खासदार शिंदेंकडे येण्याची चिन्हं आहेत. पक्षांतरबंदी कायद्याअंतर्गता कारवाई टाळण्यासाठी किमान सहा जणांनी पक्ष सोडणे आवश्यक आहे, तरच त्यांची खासदारकी टिकून राहील.
दरम्यान, हे खासदार नेमके कोण, हे अद्याप स्पष्ट झालेलं नाही. त्यांच्यासोबत काही माजी आमदार, नेते असण्याची शक्यता वर्तवली जाते. मात्र संसदेच्या आगामी अधिवेशनापूर्वी किंवा त्या काळात हे पक्षांतर होण्याची चर्चा आहे. आता उद्धव ठाकरे यावर काय प्रतिक्रिया देणार किंवा पावलं उचलणार, हे पाहणं महत्त्वाचं आहे.
Uddhav Thackeray : उद्धवजी येईपर्यंत तरी थांबा ना, ठाकरे गटाच्या नेत्यांची ‘नाराजां’ना विनवणी; पण दोघा शिलेदारांची एक्झिट ठरली
खरं तर या सहा खासदारांचं राजकीय भवितव्य पणाला लागणार होतं, त्यामुळेच ठाकरेंची साथ सोडताना अनेकांची तळ्यात मळ्यात मनस्थिती होती. गेल्या वेळी शिवसेनेचे १८ पैकी १२ खासदार शिंदे गटात गेले होते.
Uddhav Thackeray : ठाकरे गटात पुन्हा भूकंपाचे संकेत, ९ पैकी ६ खासदार ‘जय महाराष्ट्र’ करणार? धक्कादायक नावं चर्चेत
ठाकरेंची साथ सोडण्याची चार कारणं काय?
केंद्र आणि राज्यात एनडीए सरकार असल्यामुळे चिंता नाही
विधानसभेला एकनाथ शिंदेंना जनतेने स्वीकारले, त्यामुळे संभ्रम दूर
पुढील पाच वर्ष महायुतीची सत्ता असल्यामुळे शिवसेना प्रवेशानंतर काळजी कमी
मतदारसंघासाठी निधी मिळण्यात येणाऱ्या अडचणीही दूर होणार
Pratap Sarnaik : सरनाईकांना फडणवीसांचा धक्का, ‘एसटी’चं स्टिअरिंग हिसकावलं, महामंडळाचं अध्यक्षपद आता कुणाला?
ठाकरेंचे नऊ खासदार कोण?
संजय देशमुख (यवतमाळ वाशिम)
नागेश पाटील आष्टीकर (हिंगोली)
संजय जाधव (परभणी)
राजाभाऊ वाजे (नाशिक)
संजय दिना पाटील (ईशान्य मुंबई)
अनिल देसाई (दक्षिण मध्य मुंबई)
अरविंद सावंत (दक्षिण मुंबई)
भाऊसाहेब वाकचौरे (शिर्डी)
ओमराजे निंबाळकर (उस्मानाबाद)
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा