जिल्हा नियोजन विकास समितीच्या बैठकीत विकास निधी आणि नियोजन यासंदर्भात चर्चा होत असते. आज झालेल्या बैठकीत चांगली चर्चा झाली. उपमुख्यमंत्री अजित पवार यांच्या अध्यक्षतेखाली झालेल्या बैठकीत सगळ्यांना त्यांचे विचार, संकल्पना मांडण्याची संधी मिळाली, असं मंत्री धनंजय मुंडेंनी सांगितलं. भाजपचे आमदार सुरेश धस यांनी सरपंच हत्या प्रकरण, वाल्मिक कराड आणि तुमच्याविरोधात पुराव्यांचा पेन ड्राईव्ह अजित पवारांना दिला का, असा प्रश्न मुंडेंना विचारण्यात आला. त्यावर धस यांनी असा कोणता पेन ड्राईव्ह दिलेला नाही, असं उत्तर मुंडे यांनी दिलं.
ठाकरेंना शह देण्यासाठी शिंदेंचा दुहेरी वार; उतरता क्रम लावला, टार्गेट शेवटचा बालेकिल्ला
दुसरीकडे राष्ट्रवादी काँग्रेस शरदचंद्र पवार पक्षाचे आमदार संदीप क्षीरसागर यांनी बैठक व्यवस्थित झाल्याचं सांगितलं. अजितदादा अध्यक्षपदी असल्यानं बैठकीत शिस्त होती. मी त्यांच्या सोबत आधी काम केलेलं नाही. त्यामुळे त्यांच्या कार्यपद्धतीचा अनुभव मला आहे. त्यांनी आमच्याकडून विकासाचे मुद्दे समजून घेतले, असं क्षीरसागर यांनी सांगितलं.
पालकमंत्रिपदाचा तिढा, गोगावले दादांच्या भेटीला; सेना आमदारानं हसत हसत ‘खारा’ विषय काढला
सरपंच संतोष देशमुख हत्या प्रकरणाबद्दल बैठकीत चर्चा झाली का, असा प्रश्न क्षीरसागर यांना विचारण्यात आला. त्यावर गुन्हेगारांवर कारवाई करणार असल्याचं अजित पवार म्हणाले. काही अधिकारी बैठकीला गैरहजर होते. असा प्रकार खपवून घेतला जाणार नाही, असा इशारा अजित पवारांनी दिला. आपापले विभाग नीट चालवण्याची सूचना त्यांनी केली. खंडणी, पवनचक्की प्रकल्पांचा विषयदेखील निघाला होता. त्यावर गैरप्रकार खपवून घेतले जाणार नाहीत, असा दम अजित पवारांनी दिल्याचं क्षीरसागर यांनी सांगितलं.