मराठा आरक्षणाच्या मुद्द्यावरुन मनोज जरांगे पाटील यांनी आक्रमक भूमिका घेत २५ जानेवारीला उपोषण सुरु केलं. ते सातव्यांदा उपोषणाला बसले होते. पण आता त्यांनी उपोषण सोडण्याचा निर्णय घेतला आहे. ‘आम्ही आज, उद्या निर्णय करुन उपोषण थांबवणार आहोत. कारण संतोष भय्या देशमुखांच्या हत्येचं प्रकरण मागे पडायला नको. आम्हाला तिकडेही बघायचं आहे. संतोष देशमुख, त्यांचे बंधू धनंजय देशमुख यांचा विचार करुन आम्ही आंदोलन थांबवत आहोत,’ असं जरांगे म्हणाले.
VIDEO: PM मोदींनी व्यासपीठावर भाजप उमेदवाराचे तीन-तीनदा पाय धरले; ‘तो’ नेता नेमका कोण?
‘मागील पावणे दोन वर्षे आम्ही उपोषणं केली. आता मी वेगळ्या मार्गानं आंदोलन करणार आहे. मी आता उपोषण करणार नाही. पण आता झक पक आंदोलन करणार आहे. उद्या दुपारी १२ वाजता उपोषण सोडण्याबद्दल मराठा समाजासी बोलून निर्णय घेणार आहे. आज रात्री किंवा सकाळी मराठा समाजाशी बोलून उपोषण सोडणार,’ अशी महत्त्वपूर्ण घोषणा जरांगे यांनी केली.
ठाकरेंना शह देण्यासाठी शिंदेंचा दुहेरी वार; उतरता क्रम लावला, टार्गेट शेवटचा बालेकिल्ला
मराठा समाजाचे डोळे उघडले आहेत. आरक्षणाचे खरे मारेकरी कोण हे सर्वांना माहीत झालं आहे. देवेंद्र फडणवीस जाणूनबुजून काम करत नाहीत, ही बाब मराठा समाजाला समजली आहे. संतोष देशमुखांच्या हत्येचं प्रकरण आमच्यासाठी महत्त्वाचं आहे. धनंजय देशमुख यांच्याशी मी सकाळी बोललो आहे. हत्येचं प्रकरण मी मागे पडू देणार नाही, असं मी धनंजय देशमुखांना सांगितलं आहे, असं जरांगे पाटील म्हणाले. पाटील यांच्या उपोषणाचा आज पाचवा दिवस आहे.