Baramati Crime News : बारामती तालुक्यातून धक्कादायक बातमी समोर आली आहे. माहेरहून गाडी घेण्यासाठी पैसे आणावेत या मागणीसाठी एका विवाहितेचा सासरच्या मंडळीकडून शारीरिक आणि मानसिक छळ करण्यात आला. तिचा गळा दाबून तिला फिनेल पाजून जीवे मारण्याचा प्रयत्न केला आहे.
मारुती कृष्णा लोणकर, नीलेश मारुती लोणकर, वंदना नीलेश लोणकर, उमेश मारुती लोणकर, मंगेश मारुती लोणकर, शुभांगी उमेश लोणकर (रा. कसबा, बारामती) व उमा नितीन घनवट अशी आरोपींची नावे आहेत. याप्रकरणी पीडित आरती निलेश लोणकर यांनी फिर्याद दिली आहे. दि. 24 जानेवारी रोजी ही घटना घडली आहे.
पोलिसांच्या माहितीनुसार, २०२० मध्ये निलेश आणि आरतीचा विवाह झाला होता. पती निलेशने आरतीला तू माहेरहून दहा लाख रुपये घेऊन का येत नाही, तुझ्या वडिलांनी लग्नामध्ये टीव्ही, फ्रीज, वॉशिंग मशीन दिलेले नाही. ते तु घेऊन ये असे तिला म्हणत मारहाण केली. यानंतर पती आरतीला मारण्यासाठी चाकू शोधू लागला. त्याला चाकू न सापडल्याने त्याने बाथरुममधील फरशी धुण्याचे फिनेल आणले आणि आरतीला जमिनीवर पाडून तोंडामध्ये फिनेल ओतले. त्यानंतर आरतीने त्याच्या तावडीतून सुटका करून घेतली.
पीडित आरतीने पोलिसांशी संपर्क साधून तक्रार दाखल केली. तिच्यावर सध्या शासकीय रुग्णालयात उपचार सुरु आहेत. सासरच्या मंडळींनी तिला शारिरिक व मानसिक त्रास दिला. तिचे दागिने काढून घेण्यात आले असल्याचे आरतीने तक्रारीत नमूद केले आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा