घोलवड पोलिसांकडून धोडी यांच्या अपहरण प्रकरणाचा तपास सुरु आहे. ९ जणांनी ३ वाहनांच्या मदतीनं धोडी यांचं अपहरण केल्याचा संशय पोलिसांना आहे. काल रात्री पोलिसांनी या प्रकरणाच्या चौकशीसाठी अशोक धोडी यांचा भाऊ अविनाश धोडीला पोलीस ठाण्यात बोलावलं होतं. त्यावेळी धोडी पोलीस ठाण्यातून फरार झाला. त्यामुळे अपहरण प्रकरणाचं गूढ वाढलं आहे.
उपोषणकर्त्या मनोज जरांगेंची मोठी घोषणा; देशमुखांच्या हत्येचा उल्लेख करत पुढचा मार्ग सांगितला
अशोक धोडी प्रकरणात घातपात झाल्याचा संशय पोलिसांना आहे. त्यांच्या शोधासाठी पोलिसांची शोध मोहीम सुरु आहे. तलासरीच्या वरवाडातील दगड खाणीतही त्यांचा शोध घेतला जात आहे. अशोक धोडी २० जानेवारीपासून बेपत्ता आहेत. त्यांच्या कुटुंबियांनी घोलवड पोलीस ठाण्यात तक्रार नोंदवलेली आहे. पण १० दिवसांनंतरही अशोक धोडी यांचा शोध लागलेला नाही.

‘अशोक धोडी यांच्या अपहरण प्रकरणात पोलिसांनी ४ संशयितांना अटक केली. एक संशयित काल रात्री पोलीस ठाण्यातून फरार झाला. चौकशी सुरु असताना त्यानं पलायन केलं. त्याला लवकरात लवकर अटक करु, असं पोलीस सांगत आहेत. अशोक धोडी जिवंत असावेत, ते सुखरुप असावेत, इतकीच आमची अपेक्षा आहे,’ असं शिवसेनेचे पालघरचे आमदार राजेंद्र गावित म्हणाले.
VIDEO: PM मोदींनी व्यासपीठावर भाजप उमेदवाराचे तीन-तीनदा पाय धरले; ‘तो’ नेता नेमका कोण?
दारु माफियानं माझ्या वडिलांचं अपहरण केल्याचा आरोप धोडी यांचे पुत्र आकाश यांनी केला आहे. २० जानेवारीला अशोक धोडी घराकडे येत होते. ते डहाणूपर्यंत पोहोचले. पण त्यानंतर ते घरी परतले नाहीत, अशी माहिती त्यांच्या कुटुंबियांनी दिली. धोडी आणि त्यांच्या मुलावर पोलिसात काही गुन्हे दाखल आहेत. त्यातूनच हा प्रकार घडला असावा, असा संशय पोलिसांना आहे.

महाराष्ट्र-गुजरात सीमा प्रश्नाचा पाठपुरावा धोडी यांच्याकडून सातत्यानं सुरु होता. सामाजिक प्रश्न उपस्थित करणारे धोडी एकाएकी बेपत्ता झाल्यानं परिसरात खळबळ उडाली आहे. धोडी यांच्या कारचं एक सीसीटीव्ही फुटेज समोर आलेलं आहे. त्यात अतिशय वेगात जाताना दिसत आहे. त्यामुळे कार स्पष्ट दिसलेली नाही.