कसा झाला अपघात?

ठाण्यातील प्रादेशिक मनोरुग्णालयाच्या जवळ असलेल्या एका कॉम्प्लेक्समध्ये राहणाऱ्या पुष्पा आगाशे गुरुवारी सकाळी दूध आणण्यासाठी गेल्या होत्या. पुन्हा घरी जात असताना सकाळी ७ वाजताच्या सुमारास तीन हात नाका येथे मुंबईकडून नाशिकच्या दिशेने जाणाऱ्या रस्त्यावर एका वाहनाने त्यांना अचानक जोरदार धडक दिली.

वाहन चालकाचा पळ

वाहनाच्या धडकेत त्या गंभीर जखमी झाल्या. त्यांना तातडीने सिव्हिल रुग्णालयात नेण्यात आले. तेथून मुंबईतील शीव रुग्णालयात हलवण्यात आले. मात्र, त्यांचा मृत्यू झाला. या अपघातानंतर संबंधित वाहन चालकाने घटनास्थळावरून पळ काढला. या अपघाताची नोंद नौपाडा पोलिस ठाण्यात करण्यात आली आहे.
Pune Crime : पुण्यातील उच्चशिक्षित तृतीयपंथीयाने जयपूरमध्ये आयुष्य संपवलं, बॉयफ्रेण्डच्या घराजवळ जीव सोडला, शेवटच्या चिठ्ठीत..
पोलिसांकडून वाहनाचा शोध घेण्याचे काम युद्धपातळीवर सुरू आहे. पुष्पा यांच्या पार्थिवावर ठाण्यातील जवाहरबाग येथील स्मशानभूमीत अंत्यसंस्कार करण्यात आले.

कोण होत्या पुष्पा आगाशे?

पुष्पा यांच्या पश्चात पती, दोन मुले, सुना आणि नातू असा परिवार आहे. त्या मुंबईत बीएआरसीमध्ये नोकरी करीत होत्या. सन २०११ मध्ये सेवानिवृत्त झाल्यावर त्यांनी पूर्ण जोमाने सामाजिक कार्य सुरू केले होते. यामुळे विविध सामाजिक संस्थांशी त्या जोडल्या गेल्या होत्या.
Pune Crime : घरी येऊन वारंवार त्रास, महिलेने अल्पवयीन लेकीच्या मदतीने २८ वर्षीय मित्राला संपवलं, लिफ्टमधला क्लू ठरला गेमचेंजर
पती श्रीपाद आगाशे यांच्यासोबत गेली ४३ वर्षे नेत्रदान चळवळीचा प्रसार करण्याच्या कामात कार्यरत होत्या. अंध विद्यार्थ्यांना परीक्षेसाठी लेखनिक, तसेच त्यांना नोट्स वाचून दाखवण्याचे कामही करीत होत्या. शहरातील धान्य बँक चळवळीत त्यांचा सहभाग होता.