पुण्याच्या गणेशोत्सवात अप्रतिम रोषणाई, ऐतिहासिक आणि सामाजिक देखावे पाहण्यासाठी अथांग जनसागर रस्त्यावर उतरतो. ढोल-ताशांचा कडकडाट आणि बाप्पाच्या दर्शनाची ओढ यामुळे अलोट गर्दीतही भक्तिमय वातावरणाचा आणि उत्साहाचा अनोखा सोहळा रंगतो. या पार्श्वभूमीवर सुरुवातीच्या टप्प्यात १४ ते १६ सप्टेंबरदरम्यान मेट्रोची नियमित सेवा सकाळी सहा ते रात्री ११ वाजेपर्यंत सुरू राहील. त्यानंतर १७ ते २४ सप्टेंबरदरम्यान विशेष वेळापत्रक लागू करण्यात येणार असून, या काळात सकाळी सहा ते मध्यरात्री दोनपर्यंत मेट्रो धावेल. २७ सप्टेंबरपासून पुन्हा नियमित वेळापत्रकानुसार सकाळी सहा ते रात्री ११ अशी सेवा सुरू होईल.

Someshwar Sugar factory: पुन्हा पवार विरुद्ध पवार; ‘सोमेश्वर’साठी सुनेत्रा पवारांच्या पॅनेलसमोर युगेंद्र पवारांचे आव्हानमंडईत एकदिशात्मक व्यवस्था

गर्दीचे नियोजन करण्यासाठी महात्मा फुले मंडई मेट्रो स्थानक १४ ते २६ सप्टेंबरदरम्यान एकदिशात्मक पद्धतीने कार्यरत राहणार आहे. लोकमान्य टिळक पुतळ्याजवळील द्वार क्रमांक ३ मधून स्थानकात प्रवेश, तर छत्रपती शिवाजी महाराज रस्त्यावरील द्वार क्रमांक २ मधून बाहेर पडता येणार आहे. पेठ भागातील गणपतींच्या दर्शनासाठी येणाऱ्यांनी पर्यायी स्थानकांचा वापर करावा. पिंपरी – चिंचवड ते स्वारगेट या मार्गिकेवरून गणपतींच्या दर्शनासाठी येणाऱ्यांनी कसबा पेठ स्थानकावर उतरावे. वनाझ ते रामवाडी मार्गिकेवरून डेक्कन जिमखाना, रामवाडीच्या दिशेने येणाऱ्यांनी पीएमसी स्थानकाचा वापर करावा, असे आवाहन मेट्रो प्रशासनाने केले.

Pune News: पुण्यात धक्कादायक घटना; MBBS चं शिक्षण घेणाऱ्या २१ वर्षीय तरुणीने मृत्यूला कवटाळलंजिल्हा न्यायालयात इंटरचेंज टाळा

गणेशदर्शनासाठी येणाऱ्या भाविकांनी जिल्हा न्यायालय मेट्रो स्थानकावर मार्गिका बदलणे (इंटरचेंज) टाळावे, असेही मेट्रो प्रशासनाने आवाहन केले आहे. गर्दी कमी करण्यासाठी भाविकांनी आपल्या मार्गिकेवरील कसबा पेठ, पीएमसी, छत्रपती संभाजी उद्यान स्थानकांचा वापर करावा. गणेशोत्सव काळातील गर्दीचे नियोजन सुरळीत होण्यासाठी प्रवाशांनी मेट्रो प्रशासनाच्या सूचनांचे पालन करून सहकार्य करावे, असे आवाहन करण्यात आले आहे.