मुंबईकडे निघालेल्या पुष्पक एक्स्प्रेसनं ब्रेक लावल्यानं चाकांजवळ आगीच्या ठिणग्या उडाल्या. डब्याला आग लागल्याचा काही प्रवाशांचा समज झाला. त्यानंतर आग लागल्याची अफवा डब्यात पसरली. घाबरलेल्या प्रवाशांनी ट्रेनमधून उड्या टाकल्या. त्याचवेळी शेजारील ट्रॅकवरुन बंगळुरु एक्स्प्रेस भरधाव वेगात आली. ती कर्नाटकाच्या दिशेनं निघाली होती. या एक्स्प्रेसनं पुष्पक एक्स्प्रेसमधून उड्या टाकलेल्या प्रवाशांना चिरडलं.
Jalgaon Train Accident: ट्रेननं चिरडल्यानं अनेकांचे अक्षरश: तुकडे, ट्रॅकजवळ रक्ताचा सडा; काळजाचा थरकाप उडवणारं दृश्य
लखनऊहून मुंबईला जात असलेल्या पुष्पक एक्स्प्रेसच्या चाकांमधून ठिणग्या उडू लागल्या. त्या पाहून प्रवाशांना आग लागल्याचं वाटलं. प्रवासी घाबरले. त्यांनी चेन ओढून ट्रेन थांबवली. त्यानंतर प्रवाशांनी ट्रेनमधून उड्या मारल्या. अनेक प्रवासी शेजारच्याच रुळांवर थांबले. त्यावेळी त्या रुळांवर बंगळुरु एक्स्प्रेस भरधाव वेगात आली. त्या एक्स्प्रेसनं रुळांवरील प्रवाशांना चिरडलं. या अपघातात ११ जणांचा मृत्यू झाला.

घटनास्थळी एक तीव्र वळण असल्यानं पुष्पक एक्स्प्रेसमधून उतरलेल्या प्रवाशांना बंगळुरु एक्स्प्रेस दिसली नाही. त्यामुळेच ही दुर्घटना घडली, अशी माहिती रेल्वेच्या अधिकाऱ्यांनी दिली. तीव्र वळणावरुन धावणारी बंगळुरु एक्स्प्रेस भरधाव वेगात अचानक आल्यानं प्रवाशांना बाजूला होण्यास वेळच मिळाला नाही. त्यांना हालचाल करण्याची संधीच तीव्र वळणामुळे मिळाली नाही. प्रवासी अचानक दिसल्यानं एक्स्प्रेसच्या लोको पायलटला भरधाव पळणारी ट्रेन थांबवणं शक्य झालं नाही.
Jalgaon Train Accident: ट्रेननं ब्रेक दाबला, ठिणग्या उडताच प्रवाशांच्या धडाधड उड्या; प्रत्यक्षदर्शीनं सांगितला थरार
बंगळुरु एक्स्प्रेसच्या धडकेत ५ प्रवासी गंभीर जखमी झाले आहेत. त्यांच्यावर जवळच्या रुग्णालयांमध्ये उपचार सुरु आहेत. अपघातानंतर पुष्पक एक्स्प्रेसच्या कोच आणि ब्रेकिंग सिस्टिमच्या तपासणीचे आदेश देण्यात आले आहेत. अफवा पसरवणाऱ्या व्यक्तींचा शोध सुरु करण्यात आला आहे. रेल्वे प्रवासादरम्यान अफवांकडे दुर्लक्ष करा. कोणत्याही आपत्कालीन परिस्थितीत ट्रेनमध्येच थांबा, असं आवाहन रेल्वे अधिकाऱ्यांकडून करण्यात आलं आहे.