भाजप नेते आणि मंत्री राधाकृष्ण विखे पाटील, मंत्री आशिष शेलार, जयकुमार गोरे टेंभुर्णी येथील एका खाजगी कार्यक्रमासाठी बारामती विमानतळावर मंगळवारी आले होते. दरम्यान त्यांनी माध्यमांशी संवाद साधला.
Pankaja Munde : बीडमध्ये तणाव, परळी बंद; पंकजा मुंडे म्हणतात – या गोष्टी माझ्यासाठी मॅटर करत नाहीत

पालकमंत्री पदाबाबत कुठेही नाराजी नाही

पालकमंत्री पदाबाबत कुठेही नाराजी नाही. प्रत्येक नेत्याला असं वाटतं की, हा जिल्हा आम्हाला मिळावा. महायुतीमध्ये असे अनेक प्रसंग येत असतात. शेवटी आमचा प्रपंच मोठा आहे. राज्याच्या निर्मितीनंतर एवढा मोठा जनादेश पहिल्यांदाच महायुतीला मिळाला आहे. त्यामुळे स्वाभाविकच अपेक्षा वाढलेल्या आहेत. यासंदर्भात तीनही नेते एकत्र बसून मार्ग काढतील, असेही विखे पाटील यावेळी म्हणाले.
खांद्याला खांदा लावून मी कुठेही उपस्थित असतो, पहाटेचा शपथविधी आठवा; माणिकराव कोकाटेंमुळे भर सभागृहात हशा पिकला

पिक विमा बंद होणार नाही

१ रुपयाचा पिक विमा बंद होणार असल्याबाबत विचारले असता विखे म्हणाले की, मला कळत नाही की कोण अशा वावड्या उडवत आहेत. शेतकऱ्यांसाठी एवढे मोठे बजेट येत आहे. १ रुपया पिक विम्याचा शेतकऱ्यांवर एवढा मोठा सकारात्मक परिणाम झाला आहे. त्यामुळे पिक विम्याबाबत शेतकऱ्यांमध्ये उत्सुकता आहे. पूर्वी विमा कंपन्यांची घरे भरली जायची असा आरोप होत होता. आता उलटी परिस्थिती आहे. आता शेतकऱ्यांना एवढी मोठी मदत झाली आहे. राज्याच्या स्थापनेनंतर पहिल्यांदा विम्याच्या माध्यमातून शेतकऱ्यांना मदत झाली आहे.
संतापजनक! परप्रांतीय महिलेवर लैंगिक अत्याचार करून ठेवले डांबून, धक्कादायक घटनेने बारामती हादरली

एकनाथ शिंदे नाराज नाहीत

एकनाथ शिंदे यांच्या नाराजी बाबत विचारले असता विखे म्हणाले की, या सर्व बातम्या खोट्या आहेत. कोणीही नाराज नाही. शिंदे साहेब दरे या गावी गेले आहेत. ते काय नाराज म्हणून गेले आहेत काय…? ते नेहमी जात असतात. ते पहिल्यांदाच गेले असते तर नाराजीचा प्रश्न असता.