Saif Ali Khan Attack Accused big revelation : बॉलीवूड अभिनेता सैफ अली खानवर हल्ला करणारा आरोपी मोहम्मद शरीफुल इस्लाम शहजादबाबत धक्कादायक खुलासे होत आहेत. आपण बांग्लादेशातील कुस्तीपटू असल्याचे आरोपीने पोलिसांना सांगितले. पण आता असेही समोर येत आहे की, तो कुस्ती पटूंपासून मोठ्या सेलिब्रिटींची रेकी करत होता.
मुंबई क्राइम ब्रँचने आरोपी शहजादबाबत आता मोठा खुलासा केला आहे. पोलिसांनी सांगितले, सैफवर हल्ला झाल्यानंतर त्याने ३ ते ४ वेळा कपडे बदलले होते. गुन्हा घडल्यानंतर आरोपी अनेक ठिकाणी फिरत होता. तो आधी वांद्रे स्टेशनवर गेला, मग तेथून तो दादर, वरळी, अंधेरी आणि त्यानंतर ठाणे येथे गेला. तर आरोपी शहजाद गेल्या वर्षी सप्टेंबरमध्ये मुंबईत आला होता, अशी माहिती देखील पोलिसांनी दिली.
पोलीस तपासातून आणखी एक धक्कादायक माहिती समोर येत आहे, ती म्हणजे, आरोपी शरीफुलने सैफ अली खानच्या घरात प्रवेश करण्यापूर्वी अनेक सेलिब्रिटींची घरे रेकी केली होती. आरोपी रिक्षाचालकांकडून सेलिब्रिटींच्या घरांची माहिती घेत असे. पोलिसांच्या माहितीनुसार, आरोपीने वांद्रे परिसरात राहणाऱ्या सेलिब्रिटींच्या घरांची माहिती रिक्षाचालकाकडून मिळवली होती. शाहरुख खान सैफ अली खान सोबतच आरोपीने इतर अनेक सेलिब्रिटींच्या घरांची रेकी केली. आरोपी शरीफुलला पोलिसांनी रविवारी सकाळी ठाणे शहरातून ताब्यात घेतले होते. त्याच्यावर गुन्हा दाखल करण्यात आला आहे.
पोलिसांनी दिलेल्या माहितीनुसार, शरीफुल शहजादला रविवारी ठाण्यातील कासारवडवली येथील हिरानंदानी इस्टेटजवळून अटक करण्यात आली. जे ठिकाण मुंबईतील वांद्रे भागातील सैफच्या घरापासून ३५ किमी अंतरावर आहे. सहा तासांच्या सर्च ऑपरेशननंतर ठाण्यातील जंगलात असलेल्या कामगार छावणीतून पोलिसांनी आरोपीला शोधून काढले. आरोपी शरीफुलला न्यायालयात हजर केले असता त्याला पाच दिवसांची पोलीस कोठडी सुनावण्यात आली आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा