Ajit Pawar Commented on walmik karad MCOCA : सरपंच संतोष देशमुख हत्या प्रकरणात तपासाची चक्र वेगाने फिरु लागली आहेत. या प्रकरणातील आरोपींवर मकोका लावण्यात आला आहे. तर हत्येचा मास्टरमाईंड म्हणवल्या जाणाऱ्या वाल्मिक कराडवर देखील आज मकोका लावण्यात आला. यातच आता उपमुख्यमंत्री अजित पवार यांनी देखील प्रतिक्रिया दिली.
माध्यमांशी संवाद साधताना अजित पवार म्हणाले, अगदी सुरुवातीपासून मुख्यमंत्री म्हणतात, कोणीही दोषी असला तरी कारवाई होईल. ही निर्घृण हत्या आहे, कारवाई होणारच मग तो कोणीही असो. या घटनेला महिना होऊन गेला आहे. देशमुख कुटुंबीय चिंतेत आहे. हे शाहू, फुले, आंबेडकरांचे राज्य आहे. त्यामुळे आरोपी कोणीही असो थारा देणार नाही.
दरम्यान अजित पवारांनी राज्यातील पालकमंत्री पदाच्या मुद्द्यावर देखील भाष्य केले आहे. पालकमंत्री कोण असणार, हा अधिकार मुख्यमंत्र्यांचा आहे. सध्या मुख्यमंत्री देवेंद्र फडणवीस हे पानिपत मध्ये आहेत. त्यानंतर उद्या पंतप्रधान नरेंद्र मोदी हे मुंबईत येणार असून त्या कार्यक्रमात मुख्यमंत्री व्यस्त असणार आहेत. तर १९ तारखेला दावोस येथे दौरा असेल, त्यापूर्वी पालकमंत्री पदाचा तिढा सुटणार असल्याचे मोठे वक्तव्य उपमुख्यमंत्री अजित पवार यांनी केले आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा