एकाच वेळी दोन पिकांचा फायदा

या संदर्भात बारामतीतील कृषी विज्ञान केंद्राचे तज्ञ यशवंत जगदाळे यांनी सांगितले की, हे बहुपीक तंत्रज्ञान नेदरलँडमध्ये सर्रास वापरले जाते. महाराष्ट्राच्या बाजारपेठेचा विचार केला तर एकाच वेळी वांगी आणि टोमॅटो यांचे दर वाढत नाहीत. मात्र ही दोन्ही पिके एका कुळातील आहेत. त्यामुळे एकाच खोडावरती ही दोन पिके घेतली तर एका क्षेत्रामध्ये दोन पिकांचे उत्पादन घेता येऊ शकेल. त्याचबरोबर ते अधिक रोगप्रतिकारक्षम असून जास्त काळ चालणारे आहे. त्यामुळे उत्पादन देखील अधिक मिळू शकते. अल्पभूधारक शेतकऱ्यांना एकाच वेळी दोन पिकांचा उत्पादनाचा फायदा होऊ शकतो.

उत्पादनामध्ये ३० टक्क्यांची वाढ

या प्रकारच्या द्विपिक पद्धतीमुळे शेतकऱ्यांचे उत्पादन किमान ३० टक्क्यांनी वाढणार असल्याचा दावा कृषीतज्ञ जगदाळे यांनी केला. कृषीतज्ञ जगदाळे यांनी दिलेल्या माहितीनुसार या उत्पादनामध्ये ३० टक्क्यांनी वाढ होते. बारामतीच्या कृषी विज्ञान केंद्रामार्फत ज्या ज्या शेतकऱ्यांनी आपापल्या शेतामध्ये अशा प्रकारची पिके केली आहेत. उत्पादनावरून असे निष्कर्ष निघाले आहेत.
Farmer Sucess Story : कोरियन कार्पेट गवताची लागवड, बीडच्या तरुणांचा यशस्वी प्रयोग; शेतीतून करतोय लाखोंची कमाई

ब्रोमॉटो पीकाची रोगप्रतिकारक शक्ती अधिक

किमान आठ ते नऊ फवारण्या पारंपारिक पद्धतीमध्ये जास्त होतात. त्या फवारण्याची बचत ब्रोमॉटो पिकात होऊ शकते. त्यामुळे उत्पादन खर्चातही बचत या माध्यमातून होऊ शकते. पारंपारिकरित्या केल्या जाणाऱ्या पिकामध्ये मातीतून २८ ते ३० टक्क्यांनी रोगाची शक्यता अधिक असते, परंतु ही दोन पिके एकत्र घेताना रोगप्रतिकारक शक्ती वाढत असल्याने या रोगाचा अधिक प्रादुर्भाव या पिकावर सहसा येत नाही.

द्विपिक पद्धतीमुळे दुप्पट उप्तन्न

बारामतीच्या कृषी विज्ञान केंद्राच्या अंतर्गत ज्या शेतकऱ्यांनी अशी पिके घेतली, त्यांना एकरी पारंपारिक पद्धतीमध्ये जे ७० ते ८० हजार रुपये उत्पन्न मिळते, ते या द्वीपिक पद्धतीमुळे थेट एक लाख ५० हजार रुपयापर्यंत उत्पादन मिळाले आहे. थोडक्यात अगदी दुप्पट उत्पन्नाचा जो मार्ग आहे तो या माध्यमातून शोधला जाऊ शकतो.

एकरी पारंपारिक पद्धतीने वांगी आणि टोमॅटोची लागवड करायची झाली, तर ७० ते ८० हजार रुपये खर्च येतो, तर या द्विपिक पद्धतीचा वापर केला तर एकरी एक लाख वीस हजार रुपयांपर्यंत जास्तीत जास्त खर्च जाऊ शकतो, मात्र उत्पन्न दुप्पट येऊ शकते.